ب هەلكەفتا 65 سالییا شۆڕەشا ئیلۆنێ ئێكەتییا ئافرەتێن كوردستانێ ڕێوڕەسمەك گێڕا
ب هەلكەفتا 65 سالییا دەستپێكرنا شۆڕەشا ئیلۆنا مەزن، ب ئامادەبوونا سەربەست لەزگین، بەرپرسێ مەكتەبا ڕێكخستانا پارتی دیموكراتی كوردستان ل بەهدینان و د. عەلی تەتەر، پارێزگارێ دهۆكێ و دكتۆرە ڤیان سلێمان، هاریكارا بەرپرسێ مەكتەبا ڕێكخستنێ و د. نەوزاد عەبدوللا، بەرپرسێ لقێ ئێك یێ پارتی دیموكراتی كوردستان و زیوا تاها، سكرتێرا ئێكەتیا ئافرەتێن كوردستانێ و هەژمارەكا بەرپرسێن ناڤەندێن ئافرەتان و دام و دەزگەهێن جودا، ئێكەتییا ئافرەتێن كوردستان ل دۆر ڕۆل و پشكداریا ئافرەتێن كورد د شۆڕەشا ئیلۆنێ دا ڕێوڕەسمەكێ تایبەت گێڕا.
د رێوڕەسمان دا پانێلەك ل گەل فلمەكێ دیكیۆمێنتاری و چەندین برگەیێن هونەری ل دۆر خەبات و ڕۆلێ ئافرەتان د شوڕەشان دا هاتنە پێشكێشكرن.
