ب وێنه: ئه‌زموونێن قوتابيێن ئاوارێن شنگال ده‌سپێكرن
ئه‌ڤرۆ نيوز
ئه‌زموونێن پۆلێن نه‌يێن دووماهيێ بۆ قووناغا بنه‌ره‌تى يێن ئاوارێن ده‌ڤه‌را شنگال ئه‌ڤرۆ رۆژا ئێكشه‌مبى رێكه‌فتى 5ى تيرمه‌ها 2015ێ ل پارێزگه‌ها دهۆكێ ده‌سپێكرن.
د راگه‌هاندنه‌كا رێڤه‌به‌ريا گشتيا په‌روه‌ردا پارێزگه‌ها دهۆكێ دا كو دانه‌ك بۆ ئه‌ڤرۆ نيوز هنارتيه دا، ئاماژه ب وێ چه‌ندێ كريه كو هه‌ر ئێك ژ عه‌بد یوسف ئه‌حمه‌د، رێڤەبەرێ گشتیێ پەروەردا پارێزگەھا دھۆکێ و رێڤەبەرێ پەروەردا قەزا شنگال سەرا چەند ھولێن ئەزموونان ل کەمپا شاریا دا.
هه‌ر د وێ راگه‌هاندنێ دا هاتيه: د ڤێ سەرەدانێ دا رێڤەبەرێ گشتی یێ پەروەردا پارێزگەھا دھۆکێ دەستخوشی ل مامۆستا و قوتابیان کر بو وێ زەحمەت و ماندووبوونا وان دیتی، نەخاسمە دڤی دەمێ سالێ دا و ئەزموون ب سەرکەفتیانە بھێنە کرن و قوتابی بێ بەھر نەبیت ژ سالەکا خواندنێ و داخوازا سەرکەفتنێ بۆ ھەموو قوتابیان خواست.
