ب وێنه – بيره‌وه‌ريا جینوسایدا شنگالێ هاتە ساخكرن
ئەڤرۆنیۆز، سالار دۆسكی:
ب بەرهەڤبوونا وەزیرێ كاروبارێن شەهید و ئەنفالكریان ل حوكمەتا هەرێما كوردستانێ، وپارێزگەرێ دهۆكێ ب وەكالەت و چەندین بەرپرسێن حزبی و حكومی و ئەندامێن پەرلەمانێن كوردستانێ و عیراقێ، ئەڤرۆ ئه‌ينيێ 3/8/2018 ل هۆلا كونفرانسان ل زانكۆيا دهۆكێ كارەساتا شنگالێ هاتە ساخكرن..
پارێزگەرێ دهۆكێ ب وەكالەت ووەزیرێ شەهیدان و ئەنفالكریان و كچەكا ئێزدی یا ژ دەستێ داعشێ قورتال بووی پەیڤێن خوە پێشكێشكرن و بەحسێ ڤێ بیرهاتنێ هاتەكرن و رۆلێ حوكمەتا هەرێمێ و خەلكێ پارێزگەها دهۆكێ بلند هاتە نرخاندن و خواستن ئەو كچێن نوكە ژێر دەستێ داعشێ بهێنە قورتالكرن و ئەڤ كارەساتە ب جینوساید بهێتە نیاسین و حوكمەتا هەرێمێ پتر رۆلێ خوە بگێریت بۆ چارەسەكرنا ڤان كچ و ژنێن رزگاربوویی ژلایێ دەروونی ڤە.
پاشى چەندین برگێن هونەری هاتنە پێشكێشكرن وەكو ستران و تابلویێن هونەری و پارچە مۆزیكە كو ژلایێ كۆمەكا هونەرمەندێن شنگالێ و دەڤەرێ ڤە هاتبوونە بەرهەڤكرن.
