بۆ جارا ئێكێ پشتى رزگاركرنێ رێوره‌سمێن كريستماسێ ل به‌رتلا هاتنه گێران
ئه‌ڤرۆ نيوز:
رێوره‌سمێن ساخكرنا بيره‌وه‌ريا ژدايكبوونا حه‌زره‌تێ مه‌سيح ل به‌رتلا ب رێڤه‌چوو، پشتى ئازادكرنێ ژ لايێ هێزێن عيراقى كو بۆ ماوێ زێده‌تر ژ دو سالان بوو ل بن ده‌ستێ داعش.
پشكه‌كا زۆر ژ ئاماده‌بوويێن رێوره‌سمان ب پاسان ژ كه‌مپێن ئاوارێن ده‌روبه‌رێن باژێرێ هه‌ولێر ڤه‌گوهاستبوونه كه‌نيسا مارت شامۆ ل ناحيا به‌رتلا هه‌تا كو ل شه‌ڤا بۆرى كو شه‌ڤه‌كا باراناوى بوو، پشكداريێ د رێوره‌سمان دا بكه‌ن.
ناحيا به‌رتلا ب تنێ 20 كيلۆمه‌تران ژ مووسل يا دووره و دكه‌ڤيته رۆژهه‌لاتێ باژێرى، نوكه سوپايێ عيراقێ ب پشكداريا هێزێن پێشمه‌رگێ كوردستانێ و پشته‌ڤانيا هه‌ڤپه‌يمانيا نێڤده‌وله‌تى به‌رده‌واميێ ب ئۆپه‌راسيۆنا كونترۆلكرنا مووسل دده‌ن كو ل 17ى چريا ئێكێ يا ئه‌ڤ ساله ده‌سپێكريه.
رێوره‌سمێن كه‌نيسا مارت شامۆ، هێزێن ئه‌منى يێن عيراقى و ئه‌مريكى خستبوونه د ئاماده‌باشيێ دا بۆ پارێزگاريكرن ژ پشكداربوويێن بيره‌وه‌ريێ.
سه‌ره‌راى وێ چه‌ندێ كو ماوێ چه‌ند رۆژان بوو ب به‌رده‌وامى چه‌ند خۆبه‌خش مژوولى ئاماده‌كرنا كه‌نيسێ بوون، به‌لێ هێشتا شوونووارێن چه‌كدارێن داعش و رێكخراوا وان ل ناڤ و ژ ده‌رڤه‌ى كه‌نيسا ب چاڤ دهاتنه ديتن.
نیسانی ٢٠١٤ بوو کە داعش بە ئاڕاستەی ناوچەکە پێشڕەویی کرد و دانیشتوانی ناحیەی بەرتلە لە ناچاریدا بەرەو هەرێمی کوردستان هەڵهاتن. زۆرینەی کریستیانە هەڵهاتووەکان لە کەمپەکانی عەینکاوەی شاری هەولێر نیشتەجێ کراون.
