ب وێنه: ترافیکلایت بۆ جارا ئێکێ ل ھەلەبچە ھاتنە دانان
ئه‌ڤرۆ نيوز، عەزیز ھەورامی:
ترافیکلایت بۆ جارا ئێکێ ل ھەلەبچە ھاتنە دانان و ھاتنوچوونا ھەلەبچە ژی راگەھاند کو تێچوویێ وان ترافیکلایتان نێزیکی ئێک ملیار دینارێن عیراقی بوویە.
فازل حەمە ئەمین، رێڤەبەرێ ھاتنوچوونا پارێزگەھا ھەلەبچە د کۆنگرەکێ رۆژنامەڤانی راگەھاند کو ل دووماھیا سالا 2013ێ دەست ب بزاڤێن خوە کریە بۆ دانانا سیستەمێ ترافیکلایتان بۆ پارێزگەھا ھەلەبچە، “بزاڤێن مە سەرگرتن و ل ھەیڤا شوباتا 2016ێ مە دەست ب پرۆژەی کر و ئه‌ڤرۆ ب دووماھی ھات”.
زێدەتر گۆت: “د ڤی پرۆژەی دا حەفت ترافیکلایت ھاتینە دانان کو پێنج ژ وان بۆ ناڤ سەنتەرێ پارێزگەھێ و ئێک بۆ باژێرکێ خورمال و ئێک ژی بۆ باژێرکێ سیروان”.
رێڤەبەرێ ھاتنوچوونا پارێزگەھا ھەلەبچە ئاماژە ب وێ چەندێ ژی کر کو ل دەسپێکێ بۆ دانا رێنمایان و ھوشداریان دێ پۆلیسێن ھاتنوچوونێ ل وان ترفیکان ھێنە دانان و پاشان ژی دێ کامیرێن چاڤدێریێ”.
