ب وێنه: ته‌رمێ 15 كۆچبه‌ران گه‌هشته هه‌رێمێ
ئه‌ڤرۆ نيوز، كاروان باعه‌درى:
ئه‌ڤرۆ رۆژا پێنجشه‌مبى رێكه‌فتى 24ى كانوونا ئێكێ يا 2015ێ ب ئاماده‌بوونا چه‌ندين كه‌ساتيێن سياسى و ئاينى و په‌رله‌مانتاران، پێشوازى ل ته‌رمێ 15 كوچبه‌رێن كوردێن ئێزدى هاته كرن.
راگه‌هاندنا بنگه‌هێ لالش به‌لاڤكريه كو ئه‌ڤ 15 كه‌سه به‌رى دو حه‌فتيان د ده‌ريا ئيجه دا خه‌ندقى بوون و هه‌موو ژى كوردێن ئێزدى نه.
پێشتر خه‌يرى بۆزانى، رێڤه‌به‌رێ گشتيێ كاروبارێن ئێزدزيان ل سه‌ر په‌يجێ خوه يێ تۆڕا جڤاكيا فه‌يسبۆكى راگه‌هاند بوو: ئه‌ڤرۆ 24ى كانوونا ئێكێ و ل ده‌مژمێر 13:15 و ب هه‌ڤكارى د ناڤبه‌را نڤيسينگه‌ها سه‌رۆك وه‌زيرێن هه‌رێمێ و وه‌زاره‌تا ژ ده‌رڤه يا عيراقێ، ته‌رمێ 15 قوربانيێن ئێزدى بگه‌هيته فرۆكخانا هه‌ولێر ئه‌وێن ل سه‌ر سنورێن يونان د ناڤ ئاڤێ دا خه‌ندقين”.
ئاماژه ب وێ چه‌ندێ ژى كر بوو كو دهێته چاڤه‌رێكرن دو ته‌رمێن دژى ب هه‌مان هه‌ماهه‌نگى و ب هه‌مان رێ بگه‌هنه هه‌رێما كوردستانێ، به‌لێ ئاماژه ب وێ چه‌ندێ نه‌كريه كا ئه‌و ژى ئێزدى نه يان نه.
