ب وێنه: خه‌لكێ سه‌رێ كانيێ ئاواره‌يى توركيا بوون
ئه‌ڤرۆ نيوز:
وه‌زيرێ گۆمرك و بازرگانيێ ل توركيا راگه‌هاند كو ژ رۆژا چارشه‌مبى وه‌ره زێده‌ترى سێ هزار كه‌سان سنورێن توركيا ده‌رباز كرينه وه‌كو په‌نابه‌ر هاتينه توركيا كو ژ ئه‌نجامێ ترسا شه‌رێ داعش و شه‌رڤانێن كوردان ره‌ڤينه ژ سه‌رێ كانيێ.
وه‌زيرێ گۆمرك و بازرگانيا توركيا، نورتن كالنيكى، بۆ ئاژانسا ئه‌نادۆل يا نێڤ فه‌رميا توركيا گۆت: “ده‌رگه‌هێن توركيا هه‌رده‌م بۆ وان كه‌سێن پێدڤى ب پاراستنێ د ڤه‌كرينه”.
زێده‌تر گۆت: “چارشه‌مبيا بۆرى نێزيكى هزار كه‌سان سنور ده‌رباز كربوون و نوكه ژمارا وان گه‌هشتيه زێده‌ترى سێ هزار كه‌سان”.
ئاماژه ب وێ چه‌ندێ ژى كر كو دهێته پێشبينيكرن ئه‌ڤ ژمارا ئاواران د رۆژانێن بهێت دا هێشتا به‌ر ب زێده‌بوونێ بچيت.
وه‌زيرێ گۆمرگ و بازرگانيا توركيا دا زانين ژى كو ده‌سته‌لاتدارێن توركيا پێدڤيێن نوشدارى يێن هه‌وارهاتنا ب له‌ز بۆ دابين كرينه.
ژێده‌ر: ئاژانسا ئه‌نادۆل