ب وێنه: دو خووشك و كوڕه‌ك د خابيرى دا خه‌ندقين
ئه‌ڤرۆ نيوز:
دوهى رۆژا ئه‌ينى د دو بويه‌رێن جودا دا، سێ كه‌س د ئاڤا خابيرى دا خه‌ندقين و لاشێ دويان هاتيه ديتن و يێ ئێكى ژى هه‌تا نوكه نه‌هاتيه ديتن.
رائيدێ مافپه‌روه‌ر، بێوار عه‌بدولعه‌زيز، رێڤه‌به‌رێ راگه‌هاندنا به‌ره‌ڤانيا باژێرى ل دهۆكێ بۆ ئه‌ڤرۆ نيوز گۆت: “دوهى رۆژا ئه‌ينى د دو بويه‌رێن جودا دا، ل گۆندێن باصێ و گوند كوسه دو كچ و كوڕه‌كێن مه‌سيحى د ئاڤا خابيرى دا خه‌ندقين”.
رائيدێ مافپه‌روه‌ر زێده‌تۆ گۆت: “د بۆيه‌را ئێكێ دا دوهى ئێڤارى دو كچێن كرستيانێن خووشكێن ئێك ل ناحيا ده‌ركارێ گوند كوسه ل سه‌ر ئاڤا خابيرى خه‌ندقين”.
دا زانين ژى كو ئه‌ڤ كچه ب ناڤێ “س. س. د” و “س. س. د” بوون و ژيێ يا بچووك 16 و يا مه‌زن 24 سال بوون و لاشێن وان بۆ نوشداريا داد ل دهۆكێ هاتنه ره‌وانه‌كرن.
د بۆيه‌را دويێ ژى دا، گه‌نجه‌كێ دى يێ كرستيانێ 22 سالى كو خه‌جهێ ئێنيشكێ يه ب مه‌ره‌ما چوونا سه‌رئاڤێ چوويه ناحيا بامه‌رنێ گوندێ پاصێ و د رووبارێ خابيرى دا خه‌ندقيه و گيانێ خوه ژ ده‌ست دايه و هێشتا ته‌رمێ وى نه‌هاتيه ديتن.
