ب وێنه‌: دێ ل هه‌موو جهێن دهۆكێ هێنه‌ دانان

ئه‌ڤرۆ نيوز، نيوار محه‌مه‌د سه‌ليم:

رێڤه‌به‌ريا به‌ره‌ڤانيا باژێرى ل دهۆكێ راگه‌هاند كو فه‌وهێن ئاڤێ يێن تايبه‌ت ب پڕكرنا ترۆمبێلێن ئاگر ڤه‌مراندنێ دێ ل سه‌رانسه‌رى سه‌نته‌رێ پارێزگه‌ها دهۆكێ بۆ ده‌مێن پێدڤى و مفا وه‌رگرتنا ترۆمبێلێن ئاگرڤه‌مراندنێ هێنه‌ دانان.

رائيدێ مافپه‌روه‌ر، بێوار عه‌بدولعه‌زيز، به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى ل دهۆكێ بۆ ئه‌ڤرۆ نيوز گۆت: “د ماوێ بوری دا رێڤەبەریا بەرەڤانیا باژێرێ ل دهۆکێ رازەمەندیا وەزارەتا ناڤخۆ وەرگرتیە بكو  هەفکاری د گەل رێڤەبەریا ئاڤا دهۆکێ شیان فەوهێن ئاڤێ کو د تایبەتن ب کارێ ئاگر ڤەمراندنێ ل جهێن پێدڤی دابن کو هەردەما روودانەکا ئاگری چێببیت برێيا ڤان فەوهان کارمەندێن مە دشێن بزووترین دەم مفای ژ ئاڤا ڤان فەوهان وەرگرن بۆ داگرتنا ترۆمبێلێن مە ێن ئاگرڤەمراندنێ ل جهێن نێزیک” .

زێده‌تر گۆت: “نوكه‌ ئه‌ڤ فه‌وهێن ئاڤێ ل گه‌له‌ك جهان هاتينه‌ دانان و بڕيار ئه‌وه‌ ل ده‌مێ نووژه‌نكرن يان ژى دانانا بۆريێن ئاڤێ بۆ هه‌ر تاخه‌كى ئه‌ڤ فه‌وهێن ئاڤێ ژى بهێنه‌ دانان”.

ئاماژه‌ ب وێ چه‌ندێ ژى كر كو دانانا ڤان فه‌وهان دێ كارئاسانيه‌كا باش بيت بۆ رێڤه‌به‌ريا وان كو هه‌ر ده‌مێ ترۆمبێلێن ئاگرڤه‌مراندنێ پێدڤى ب ئاڤێ دبن دێ شێن ل ڤان فه‌وهان ئاڤێ داگرن و پێدڤى نابن هه‌تا بچنه‌ جهێن تايبه‌ت يێن ئاڤ داگرتنێ و ده‌مێ خوه‌ ب وێ چه‌ندێ ڤه‌ ببه‌ن.

کۆمێنتا تە