ب وێنه: رووسیا ب كریاره‌كێ ل سته‌نبولێ توركیا تۆره دكه‌ت
ئه‌ڤرۆ نیوز: ڤه‌ده‌ر ره‌شاڤایی:
توركیا ئه‌ڤرۆ رۆژا ئێكشه‌مبی 6/12/2015 رووسیا ب ئازراندنێ تومه‌تبار كر، ئه‌ڤه ژی پشتی سه‌ربازه‌كێ رووسی لسه‌ر بانێ پێشیێ یێ پاپۆره‌كا سه‌ربازییا رووسیا كو د سته‌نبولێ را ده‌رباز دبوو مۆشه‌ك هاڤێژه‌ك دانایه لسه‌ر ملێ خوه و نیشاندای.
كه‌نالێ (NTV) یێ توركی وێنه‌كێ وی سه‌ربازێ رووسی كو مۆشه‌ك هاڤێژ لسه‌ر ملی یه د پاپۆرا (قه‌یسه‌ر كونیكۆڤ) كو دناڤ ته‌نگاڤا (بۆسفۆر)ده‌رباز دبوو و به‌ره‌ڤ سوریا دچوو به‌لاڤكرییه.
مه‌ولود چاڤیشئوغلو وه‌زیرێ ده‌رڤه‌یێ توركیا بۆ (CNNTurk) گۆت: نیشاندانا مۆشه‌ك هاڤێژه‌كێ ژ ئالیێ سه‌ربازه‌كێ رووسی ڤه دناڤ پاپۆره‌كا رووسی ئازراندنه، لده‌مێ هه‌ر ره‌وشه‌كا گه‌فلێكه‌ر توركیا دێ به‌رسڤا فه‌ر هه‌بیت.
ته‌نگاڤا بۆسفۆر كو دكه‌ڤیته توركیا رێییا ئێكانه‌یه بۆ هێزا سه‌ربازییا رووسیا ل ده‌ریا ره‌ش به‌ره‌ڤ ئوقیانوس و ده‌ریایێن جیهانێ، په‌یماننامه‌كا شه‌رێ جیهانیێ ئێكێ توركیا نه‌چار دكه‌ت رێ ب هه‌می پاپۆران بده‌ت لده‌مێ ئاشتیێ تێدا ده‌رباز بن.
تێ زانین ئالۆزی كه‌فتیه دناڤبه‌را توركیا و رووسیا پشتی توركیا فرۆكه‌كا شه‌ركه‌ر یا رووسی ل سوریا ئێخستی.
