ب وێنه: قوتابيێن قوتابخانه‌كێ سوپرايزه‌كێ بۆ مامۆستايێن بايكوت نه‌كرى به‌رهه‌ڤ دكه‌ن
ئه‌ڤرۆ نيوز، نيوار:
قوتابيێن قوتابخانا ئادار يا نموونه‌ى وه‌كو رێزگرتن ل هه‌لويستێ مامۆستايێن بايكوت نه‌كرى، سوپرايزه‌ك به‌رهه‌ڤ كر.
درباس مسته‌فا، رێڤه‌به‌رێ قوتابخانا ئادار يا نموونه‌ى ل سێمێلێ ل په‌يجێ خوه يێ فه‌يسبۆكى به‌لاڤكريه كو دوهى رۆژا چارشه‌مبى رێكه‌فتى 28ى ئادارێ قوتابيێن وان يێن رێزا 10ێ زانستى سوپرايزه‌ك بۆ مامۆستايێن بايكوت نه‌كرى و به‌رده‌وام بووين ل سه‌ر ئه‌ركێ خوه به‌رهه‌ڤ كر كو وێنێ ده‌سته‌يا مامۆستايان ل سه‌ر كێكێ جوان نه‌خشاندبوو، وه‌كو دلسوزى به‌رامبه‌ر مامۆستايان.
ل ده‌سپێكا ڤێ حه‌فتيێ هنده‌ك ژ مامۆستايێن پارێزگه‌ها دهۆكێ ژى بايكوت ژ خواندنێ راگه‌هاندبوو و ده‌ست ب خرڤه‌بوونان كربوو، به‌لێ دوهى پشتى كۆنگرێ رۆژنامه‌ڤانى يێ نێچيرڤان بارزانى سه‌رۆكێ حوكمه‌تا هه‌رێما كوردستانێ و راگه‌هاندنا راستڤه‌كرن و ده‌ستكاريكرن د پاشكه‌فتێ فه‌رمانبه‌ران دا، مامۆستايێن نه‌رازى ل دهۆكێ شكاندنا بايكوتێ راگه‌هاند.
