ب وێنه: ل هه‌موو شه‌ڤێن ره‌مه‌زانێ وه‌لاتيێن دهۆكێ دێ خوينێ ده‌ن
ئه‌ڤرۆ نيوز:
ب ھەلکەفتا مەھا رەمەزانا پیرۆز بەنکا خوینێ سەر ب رێڤەبەریا گشتی یا ساخلەمیا پارێزگەھا دھۆکێ رابوویە ب دانانا کەمپینەکێ ل گەلەریا دھۆک و شەڤانە د مەھا رەمەزانێ دا دێ خوینێ ژ خوین بەخشا وەرگرن.
حەمزە رەزیکی، بەرپرسێ راگەھاندنا ساخلەمیا دھۆکێ دیارکر، ژبەرکو ل مەھا رەمەزانێ خەلک یێ ب رۆژی یە و ب رۆژ نەشێن وەکو پێدڤی خوینا خوە ب بەخشن، لەورا وان ھزر ل وێ چەندێ کر کو ب شەڤ ئەڤ کارە بھێتە کرن و گۆت: شەڤانێن رەمەزانێ ژ دەمژمێر 8:30 هه‌تا 12:00 شەڤ خوین دێ ھێتە بەخشین.
دیارکر ژی کو چەند تیم بۆ ڤێ مەرەمێ ھاتینە پێکئینان و گۆت: ژبلی ئەو کەمپینا ل بازاری دھێتە دانان ھەر شەڤ ل بەنکا خوینێ ژی خوین دێ ھێتە وەگرتن.
بەنکا خوینێ ل دھۆکێ ژبەر زوربوونا نەخۆشێن ھژمارا تووشبوویێن نەخۆشیا تالاسیمیا و ھیموفیلیا و دیسا زێدەبوونا روودانان ب شێوەیەکێ گشتی و شەرێ دژی تیرۆرستێن داعش، بەردەوام پێدڤی ب خوینێ ھەیە، لەورا داخازێ ژ ھەموو وەلاتیان دکەت یێن شیان ھەبن خوینا خوە پێشکێش بکەت.
