ب وێنه: مالەک ھاتە سۆتن
ئەڤرۆ نیوز، ئێقبال عومەر:
شەڤا بوری ژ ئەنجامێ روودانەکا ئاگری زیانێن زۆر ب مالەکا ناڤ سەنتەرێ ناحیێ کەفت، بەرەڤانیا باژێری شیان بەشەک ژ مالێ کونترول بکەن .
عەمید ئیبراھیم محەمەد رەشید بەرپرسێ راگەھاندنا بەرەڤانیا باژێری ل دھوک بو ئەڤرو نیوز گوت: ل شەڤا بوری ئەم ھاتینە ھایدارکران کو رویدانەکا ئاگربەربونێ ل ناڤ سەنتەرێ ناحیا شێلادزێ ل مالا وەلاتی نائیف سەنعان چێ ل تاخێ ترێجانێ، ل دەمژمێر ۷ وچل خولەک رێکەفتی ۷/۸/۲۰۱۸ رویدایە، ئێکسەر تیمێن مە گەھشتنە جھێ رویدانێ بەلێ ب مخابنی ڤە تاکو تیمێن مە گەھشتینێ کەلوپەل و کەرەستێن ناڤ مالێ گەلەک ھاتنە سوتن، ژبەرکو ئەم زوی نەھاتینە ھایدارکرن ، وە دیسان پشکەک ژ خانی ژی ھاتیە سوتن ، زور سوپاس بو خودێ کو چو زیانێن گیانی نەبون.
ناڤھاتی دیارکر ژی کو ئەگەرێ ئاگر بەربونێ ژی بو شورتەکا کارەبێ ڤەدگەریت کو د سپلێتێ دا رویدابی و حەلیایە سەر مەحفیرێن مالێ و ئاگر ب خانیڤە بەربەلاڤ بویە تاکو ب تەمامی مال ھەمی ھاتیە سوتن.
ب گورەی ئاخفتنێن ناڤبری زیانێن وێ وەکو ماددی زەرەر و زیانێن زور گەھشتینە ڤێ مالێ ، بەلێ سوپاس بو خودێ کو چو زیانێن گیانی نەبوینە ، و شیرەتا مە بوھەمی خەلکی کو ھژمارا بەرەڤانیا باژێری ھەبیت کو بشێن ب دەمەک زو مە ھایدار بکەت داکو زەرەر و زیان کێم بن و ب دەمەک زوو کونترولا ئاگری بھێتە کرن.
