ب وێنه: هه‌ردو شوفێران گيانێ خوه ژ ده‌ست دا
ئه‌ڤرۆ نيوز:
د روودانه‌كا ترافيكێ دا ل سه‌ر جادا سه‌ره‌كى يا سحێلا دوهى ب شه‌ڤ دو ترۆمبێلان لێكدا و د ئه‌نجام دا هه‌ردو شوفێران گيانێ خوه ژ ده‌ست دا.
رائيدێ مافپه‌روه‌ر، بێوار عه‌بدولعه‌زيز، به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى د داخۆيانيه‌كێ دا بۆ ئه‌ڤرۆ نيوز گۆت: “دوهى رێكه‌فتى 8ى كانوونا ئێكێ 2015 ل ده‌مژمێر 7:00ى شه‌ڤ روودانه‌كا ترافيكێ ل سه‌ر جادا سه‌ره‌كى يا سحێلا روودا”.
زێده‌تر گۆت: “د ڤێ روودانا ترافيكى دا د يا د ناڤبه‌را دو ترۆمبێلێن ئۆپل ئۆمێگا و ئوپۆل ڤيكترا يێن ره‌نگێ سۆر و مارۆنى دا روودايى، شوفێرێن هه‌ردو ترۆمبێلان گيانێ خوه ژ ده‌ست دا”.
دا زانين كو ژ بلى وان هه‌ردو كه‌سێن گيانێ خوه ژ ده‌ست داين، شه‌ش كه‌سێن دژى د ناڤا ترۆمبێلێ دا بوون و ب هه‌واركى يێن گه‌هاندينه نه‌خۆشخانا ته‌نگاڤيان و ره‌وشا وان نه‌گه‌له‌ك يا باشه.
