هه‌كه مۆبايلا ته به‌رزه بوو دێ چ كه‌ى دا كه‌س فه‌يسبۆكێ ته نه‌ڤه‌كه‌ت؟
ئه‌ڤرۆ نيوز:
يا ئاشكه‌رايه گه‌له‌ك ژ مه د رێيا مۆبايلێن زيره‌ك فه‌يسبۆكى ب كار دئينن و ژمارا مۆبايلا مه ژى ل سه‌ره دا كو هه‌كه هه‌ر حاله‌ته‌كێ نه‌خواستى ل سه‌ر دروست بوو، بشێين ئێكسه‌ر كێشا فه‌يسبۆكێ خوه چاره كه‌ين.
به‌لێ ره‌نگه رۆژه‌ك بهێت و مۆبايلا ئێك ژ مه به‌رزه ببيت يان هه‌ر تشته‌كێ نه‌خواستى دروست ببيت و فه‌يسبۆك تێدا يێ ڤه‌كرى بيت، ئانكو ساين ئاوت نه‌هاتبيته كرن، ژ به‌ر ڤێ چه‌ندێ ژى كۆمپانيايێ خزمه‌ته‌كا نوو خستيه كار كو بكارئينه‌ر گه‌له‌ك ب ساناهى د رێيا كۆمپيۆته‌رى دا بشێت وێ ژمارێ لابده‌ت و فه‌يسبۆكى ژ وێ مۆبايلێ ژى دايخيت.
ئانكو هه‌ر ده‌مێ مۆبايلا مه ديار نه‌ما، چ بهێته دزين يان به‌رزه ببيت، دشيان دايه كۆنترۆلا فه‌يسبۆكى بكه‌ين و دايخين، ئه‌و ژى د رێيا ڤێ تايبه‌تمه‌نديا نوو دا كو ب كارئينه‌ر دشێت ئه‌نجام بده‌ت.
هه‌ر ده‌ما تووشى ئه‌وى حاله‌تى هاتن دشێن ڤان پێنگاڤان بجهبينن بۆ دايخستنا فه‌يسبۆكى:
- د رێيا كۆمپيۆته‌رى دا هه‌رنه ناڤ ئه‌كاونتێ فه‌يسبۆكى.
- هه‌رنه پشكا سێتينگ.
- پاشان مۆبايلێ هەڵبژێرن.
- وه‌كو د وێنه‌ى دا ديار ئه‌وێ ژمارا مۆبايلێ ديلێت بكه‌ن و پاشان فه‌يسبۆكى د مۆبايلێ دا لۆگ ئاوت بكه.
