ب وێنه و ڤيديۆ: ل گه‌ليێ زاخۆ پێنج ترۆمبێلان لێكدا
ئه‌ڤرۆ نيوز، نيوار محه‌مه‌د سه‌ليم:
به‌رپرسێ راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ راگه‌هاند كو ئه‌ڤرۆ ل گه‌ليێ زاخۆ روودانه‌كا دلته‌زين د ناڤبه‌را پێنج ترۆمبێلان دا روودا و د ئه‌نجامدا كه‌سه‌كى گيانێ خوه ژ ده‌ست دا.
رائيدێ مافپه‌روه‌ر ئازاد تاها به‌رپرسێ راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ بۆ ئه‌ڤرۆ نيوز گۆت: “ئه‌ڤرۆ رێكه‌فتى 24\3\2015 ل ده‌مژمێر 12:30 ده‌قيقه ل گه‌ليێ زاخۆ و نێزيك پانزينخانا نه‌ورۆز روودانه‌كا دلته‌زين د ناڤبه‌را پێنج ترۆمبێلێن ژ جۆرێ ترێله‌كا بارهه‌لگر، دو ته‌ن كيا، د گه‌ل سێ ته‌كسيان دا روودا”.
زێده‌تر گۆت: “ب مخابنى ڤه د ڤێ روودانێ دا كه‌سه‌كى گيانێ خوه ژ ده‌ست دايه و 10 كه‌س ژى ب گرانى بريندار بووينه”.
ل دۆر ئه‌گه‌رێ روودانێ ژى گۆت: “شۆفێرێ ترۆمبێلا بارهه‌لگر ترێلا بارهه‌لگر هاته زڤراندن كو له‌زاتى ب كارئينايه و شه‌كر باركربوو، سوويێ ترۆمبێلێ نه‌مابوو و كۆنترۆل ژ ده‌ست دابوو و خوه ل چار ترۆمبێلێن دى دايه و وه‌رگه‌ريايه و شۆفێرێ دو ته‌نێ هاتيه دورپێچكرن و د ئه‌نجام دا گيانێ خوه ژ ده‌ست دايه”.
ڤيديۆ ژ په‌يجێ دهۆك پوست ل سه‌ر تۆڕا فه‌يسبۆكى هاتيه وه‌رگرتن
