ب وێنه: ژنه‌ك و كچه‌كێ د روودانه‌كا ترافيكێ دا گيانێ خوه ژ ده‌ست دا
ئه‌ڤرۆ نيوز، نيوار محه‌مه‌د سه‌ليم:
د روودانه‌كا ترافيكى دا ل دوريانا گۆندێ سمايل ئاڤا د ناڤبه‌را سێ ترۆمبێلان دا، دو كه‌سان گيانێ خوه ژ ده‌ست دا و چار ژى ب گرانى بريندار بوون.
به‌رپرسێ راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ بۆ ئه‌ڤرۆ نيوز راگه‌هاند كو دوهى رۆژا پێنجشه‌مبى ده‌مژمێر 6:00ى ئێڤاريا 26\3\2015 ل دۆريانا گۆندێ سمايل ئاڤا روودانه‌ك دلته‌زين د ناڤبه‌را تانكه‌ر و هۆندايايه‌كا سالۆن رساسى و پيكه‌مه‌كا شين دا روودا.
ئازاد تاها به‌رپرسێ راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ گۆتژى: “د ئه‌نجاما ڤێ روودانێ دا ب مخابنى ڤه، ئافره‌ته‌ك و كچه‌كێ گيانێ خوه ژ ده‌ست دا و چار كه‌س ژى ب گرانى بريندار بوون”.
ل دۆر ئه‌گه‌رێن روودانێ به‌رپرسێ راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ گۆت: “شۆفێرێ ترۆمبێلا پيكه‌م ئێكسه‌ر و بێ هوشدارى چوويه د ناڤا جادا سه‌ره‌كى دا و بوويه ئه‌گه‌رێ ڤێ روودانا دلته‌زين”.
