ب وێنه: ژ ئه‌گه‌رێ بارانێن دژوار 80 كه‌سان گيانێ خوه ژ ده‌ست دا
ئه‌ڤرۆ نيوز:
ئاژانس ئه‌ستۆشێتد پرێس راگه‌هاند كو ژ ئه‌نجامێ بارانێن دژوار 30 كه‌سان ل پاكستان و 50 كه‌سان ل چينێ گيانێ خوه ژ ده‌ست و ب سه‌دان هزار كه‌سێن دژى مالێن خوه ڤه‌گوهاستن.
به‌رپرسێن پاكستانێ بۆ ڤێ ئاژانسێ راگه‌هانديه كو شه‌ڤا بۆرى ژ ئه‌گه‌رێ باران دژوار 30 كه‌سان ل باكوورێ وى وه‌لاتى و ل نێزيك سنورێن ئه‌ڤغانستانێ گيانێ خوه ژ ده‌ست دايه.
هه‌ڤده‌م به‌رپرسێن چينى بۆ مالپه‌رێ abc راگه‌هانديه كو ژ ئه‌نجامێ بارانا دژوار بۆ رۆژا سيێ ل سه‌ر ئێك ل ده‌ڤه‌رێن باشوورێ چينێ 50 كه‌سان گيانێ خوه ژ ده‌ست دا و چاره‌نڤيسێ 12 كه‌سان ژى يێ به‌رزه‌يه.
ل چينێ ژ ئه‌گه‌رێ ڤان له‌هيان نێزيكى نيڤ مليۆن هێكتارێن ئه‌ردێ چاندنێ زيان پێ گه‌هشتينه و زێده‌تر ژ 15 هزار مالان هه‌رفينه و نێزيكى 400 هزار كه‌س ژ مال و حالێن خوه ده‌ركه‌ڤتينه و چووينه ده‌ڤه‌رێن ئارام، ب كۆژمێ 850 مليۆن دۆلاران زيانێن ڤان له‌هيان دهێنه خه‌ملاندن.
چه‌ند ديمه‌ن ژ له‌هيێن چينێ:
