ب وێنه – گه‌نجێن هه‌رچوار پارچێن كوردستانێ ریفراندۆم ل ده‌ڤه‌را بارزان تمام كر
فوتو و زانیارى ، نه‌وزاد هلۆرى:
ئه‌ڤرۆ د رێورسمه‌كێ دا گه‌نجێن هه‌ر چوار پارچێن كوردستانێ په‌یاما سه‌ركه‌فتنا ریفراندۆم بو سه‌ربخوه‌ى یا كوردستانێ گه‌هانده بارزانى نه‌مر ل ده‌ڤه‌را بارزان و ریفراندۆمه‌كا دى ل ده‌ڤه‌را بارزان ئه‌نجام دا و تێداده‌وله‌تا كوردستانێ راگه‌هاند وه‌كو ئااماژه‌یه‌ك بو ته‌مامكرنا پرۆسه‌یا ریفراندۆما باشوورێ كوردستانێ كو ئه‌و ژى ده‌وله‌تبوونه.
دڤى واریدا ” نه‌نجمه‌ددین حه‌سه‌ن ” رێكخه‌رێ گه‌نجێن هه‌رچوار پارچێن كوردستانێ بو ئه‌ڤرۆ نیوز گۆت: ( ب مه‌ره‌ما گه‌هاندنا په‌یاما گه‌نجێن هه‌ر چوار پارچێن كوردستانێ لسه‌ر سه‌ركه‌فتنا ریفراندۆما هه‌رێما كوردستانێ كو بو سه‌ربخوه‌ى یا كوردستانێ هاتبویه ئه‌نجامدان ئه‌ڤرۆ مه گه‌هانده بارزانى نه‌مر ل گوندێ بارزان وه‌كو هێزه‌كا مه‌عنه‌وى یا زێده‌تر بو پرۆسه‌یا ریفراندۆمێ ژ به‌ركو بارزانى نه‌مر هه‌موو خه‌بات و قوربانیدان و شوره‌ش و راپه‌رینه‌ك بو سه‌ربخوه‌ى یا كوردستانێ كریه)
زێده‌تر گۆت: ( گه‌نجێن باشوورێ كوردستانێ ژى كو ژ هه‌ر هه‌ر پێنج پارێزگه‌هێن هه‌رێمێ پێكدهاتن ، پشدارێ رێورسمان ببون و هه‌ر ئێك ژ وان پارچێن كوردستانێ په‌یامه‌كا تایبه‌ت پێشكێشكر)
ل گوره‌ى ئاخفتنێن رێكخه‌رێ گه‌نجێن هه‌ر چوار پارچێن كوردستانێ د رێورسمه‌كێ دا وه‌كو كه‌ڤال رێورسمێن هه‌لبژاردنان بو سه‌ربخوه‌ى یا كوردستانێ ب ده‌نگێ هه‌رچوار پارچێن كوردستانێ هاته ئه‌نجامدان و پاشان ناڤێ ده‌وله‌تا كوردستانێ ژ سندوقێ هاته ده‌رئینان وه‌كو رامانه‌ك بو ریفراندۆم بو سه‌ربخوه‌ى یا كوردستانا مه‌زن ب گشتى و پشكا باشوورا كوردستانێ ب تایبه‌تى.
دهێته زانین كو گه‌نجێن هه‌رچوار پارچێن كوردستانێ نێزیكێ 300 گه‌نجان پێكدهاتن.
