ب وێنه: ھەتا نوکە ئاگرێ بوردۆمانێن تورکیا بۆ سەر گۆندێ رووبەتکێ نەھاتیە ڤەمراندن
ئەڤرۆ نیوز،بارزان مزووری:
حەیدەر رووبەتکی، موختارێ گوندێ رووبەتکێ سەر ب ناحیا ئەتروش ڤە بۆ ئەڤرۆ نیوز ئاشکرا کر کو ئاگرێ بوردومانێن فروکێن تورکیا یێن دوھی ئیڤاری 31ى ته‌باخا 2018 یێ بەردەوامە و خەلکێ گوندی و تیمێن ئاگر ڤەمراندنێ ل ئەترووش و ل گەل پولیسێن دارستانێ یێن ئەترووش د ھەولێن ڤەمراندنێ دا نە ئاگر نەھاتیە کونترول کرن.
مۆختارێ گۆندی ب رێیا ئەڤرۆ نیوز ھەوارێن خوە کرنە جھێن شولەژێ کو د ھەوارا وان بچن دا بشێن ڤی ئاگری کونترۆل کەن بەری ژ سنورێ گوندێ وان دەربکەڤیت ژ بەر کو ل نێزیکی سنورێن گوندێن دی بوویە.
ناڤبری خویاکر کو سەدان رەزێن کەڤنار ھاتینە سۆتن مەترسیا سۆتنا رەزێن مایی دھێتە کرن ژبلی دارستانێن کەڤنار .
