ب وێنە: تەقە ل بەرپرسەکێ حوکمەتێ و رۆژنامەڤانەکێ ھاتەکرن
ئەڤرۆ نیوز، نەوزاد ھلۆری:
شەڤا بوری ل سەنتەرێ قەزا کفری ، ژلایێ کەسەکێ نەناسیار ڤە تەقە ل مالا رۆژنامەڤان و بەرپرسەکێ حکومەتێ ھاتەکرن و زیانێن زۆر یێن ماددی ب مالا وی گەھاندن.
رۆژنامەڤان حەیدەر ئەحمەد ل کفری دیارکر کو ل دەروبەرێن دەمژمێر 1:15 خولەک ژلایێ ھندەک کەسێن نەنیاسیار ڤە ، تەقە ل مالا وی ھاتەکرن و گۆت: ( نێزیکێ 10 گولەیان ل دیوار و پەنجەر و دەرگەھێ مالا من کەفتینە و 15 گولە ژی ل لێنانگەھێ کەفتینە و ھژمارەکا کەلوپەلێن ناڤمالێ ھاتینە خراپکرن ، و ئەو کەس ژی ب رێیا ماتورسکلێ ئەڤ تەقە کریە).
زێدەتر گۆت: ( د ھەمان وەختێ کو تەقە ل مالا من ھاتیەکرن ، د ھەمان وی دەمی دا تەقە ل مالا رێڤەبەرێ گشتیێ شوینەوارێن گەرمیان ژی ھاتیەکرن و بڤێ یەکێ ترومبێلا وی سوتیە ).
رۆژنامەڤانێ ناڤبری دیارکر ژی کو ئەوی ئاریشە ل گەل کەسێ نینە و ئەو تەقەیەێ لسەر وان لسەر کارێ راگەھاندنێ نادەتن دیارکرن و گۆت ژی : ( من سکالا ل بنگەھێ پولیسان تومارکریە بو وێ یەکێ دوڤچوون لسەر ڤێ یەکێ بھێتەکرن).
