ب وێنە: راپورتا یاریا کلاسیکویا مەدرید ژ چامیونیز لیگا ئورۆپا و نووترین پێزانین و داخویانێن ھەردو یانە بزانن
ریال مەدرید و ئەتلەتیکو د دێربیا مەدرید دا ژ قارەمانیا چامیونیز لیگا
زێدان دێ پشت بەستنێ ل سەر ڤیتامینێ A کەت
ئەڤرۆ،ھەژار مەعروف:
چاڤەرێ دھێتەکرن ئەڤ شەڤە ل دەمژمێر ٩:٤٥ کلاسیکویا مەدرید ناڤبەرا ھەردو یانێن ریال مەدرید و ئەتلەتیکو مەدرید ل یاریگەھا سانتیاکو بیرنابیۆ بھێتەکرن ژ چارچوڤێ یاریێن قوناغا پێش دووماھیا قارەمانیا یانێن ئورۆپا قارەمانێن خولا ھەردو یانا مێژویەکا کیر و درێژ ل گەل ئێک ھەیە تایبەت ل ڤان سالێن دووماھیێ و قارەمانیا چامپونیس لیگ کو ریال مەدرید دو جاران ئەڤ یانە ژ قارەمانیێ بێ بارکریە کو ل سالا ٢٠١٤ یانا ریال مەدرید شیا ل یاریا دووماھیێ سەرکەفتنێ ل سەر توماربکەت پشتی خوسارەتیا خوە کریە پێشکەڤتن ل دقیقەیێن دووماھیێ و ل سالا ٢٠١٥ ل قوناغا ھەشتێ ژ قارەمانیێ دورخستی .
بۆ یاریا ئەڤ شەڤە ھەردو یانا باش خوە بەرھەڤکریە و چاڤەرێ دھێتەکرن یاریەکا ب ھێز دناڤبەرا ھەردو یانان دا بھێتەکرن سیمیونی راھێنەرێ ئەتلەتیکو ئەوێ ئارمانجا وی بتنێ نوکە مای ئەڤ قارەمانیا کو بەری نوکە ل گەل ڤێ یانێ چەندین دەستکەفتی د ماوەکێ کورت دا ب دەستخوڤە برین لێ ئەو باش زانیت ئەرکێ وی یێ ب سانەھی نابیت تایبەت پشتی ئەوان ھنگافتنێن بەردەوام د تیما وی دا کو سێ یاریزان بۆ کلاسیکویا مەدرید نەشێن پشکداریێ ل گەل تیما ئەتلەتیکو بکەن ئەوژی خوانفران و خیمینێز و ئوگوستو فیرناندیز ئەوێن توشی ھنگافتنێ بووین بەری نوکە و ھەردیسان ھەتا نوکە چارەنڤێسێ یاریزان کراسکو یێ بەلجیکی دیارنەبوویە لێ دبیت ئەڤ یاریزانە پشکداری د یاریا ئەڤ شەڤە دا بکەت و ھەردیسان یاریزان دیگو گودین ژێ دێ بوو ڤێ یاریێ یێ بەرھەڤبیت پشتی ژ سزایێ وی ب دووماھی ھاتی، دیگو سیمونی بۆ دەزگەھێن راگەھاندنا ئیسپانیا ئاشکراکریە ئارمانجا ئەوان سەرکەفتنا بۆ یاریا ئەڤ شەڤە و رێیا خوە ب سانەھی بێخین بۆ یاریا دوێ و ھەڤرکا مە ژی تیمەکا ب ھێز و خودانا ستێرێن بەرنیاس ل جیھانێ لێ مە رێز بوو ھەیە و ئارمانجا ئەوان بتنێ بوو سەرکەفتنێ یە .
راھێنەرێ فەرەنسی یێ یانا ریال مەدرید زێدان د گونگرێ رۆژنامەڤانی دا دیارکر ھزرا ئەوان دێ ل ڤێ یاریێ بتنێ بیت ھەر چەندە ئەو باش زانن یاریا بھێت ل یاریگەھا ئەتلەتیکو دێ یا گرنگتر بیت لێ پێدڤی یە ئەو دڤێ یاریێ دا بشێن ئەنجامەکێ باش بینن و پاش ھزرێ ل یاریا دوێ بکەن و شێوازێ یاریا ئەوان بۆ ئەڤ شەڤە دبیت پێکھاتیێ وی یێ ئەڤ شەڤە وەکو یێ دووماھی یاریا چامپیونیز لیگ نەبیت ژبەرکو ھنگافتن کەڤتینە د پێکھاتیێ تیمێ دا و ھەمی یاریزانێن خوە یێن یەدەگ ئەوێن وەکو خامێس رودرێگیز و ئیسکو ئەسینسیو دبینت ژ یاریزانێن سەرەکی نە و دەلیڤەیا خامێس رودرێگیز بۆ ڤێ یاریێ گەلەک ھەیە لێ ھەتا نوکە تەکید نەبوویە بەری یاریێ ب چەند دەمژمێران پێکھاتیێ دووماھیێ ئاشکرا کەت.
ھەردیسان زێدان ئاشکراکر ئەو سەبارەت کاسەمیرو باش زانیت شێوازێ کرنا یاریا وی یا ب ھێزە و دێ بۆ ڤێ یاریێ مفایەکێ مەزن ژێ بینت ژبەرکو تەکتیک و شێوازێ کرنا یاریا وی گەلەک نێزیکی یا زوربەیا یاریزانێن ئەتلەتیکو مەدرید کو تیما ئەتلەتیکو یا بەرنیاس ب ڤی شێوازی و یاریزانێن وی زوربەیا ئەوان د رەوشەکا ئارام و باش دانە.
ڤیتامینێ A زێدان ئاشکراکر
ژلایەکێ دویڤە رۆژناما مارکا ئاشکراکریە زێدان بوو یاریا ئەڤ شەڤە دێ پشت بەستنێ ل سەر ڤیتامینێ A کەت ئەوژی ئیسکو ل گەل ھەر ئێک ژ یاریزانێن کەریم بن زیما و کریستیانو رۆنالدۆ وەکو یاریزانێن سەرەکی بن ل ھێلا ناڤینا تیمێ دا تایبەت پشتی وی ئاسێ بلند یێ یاریزانێ ناڤبری ل ڤێ دووماھیێ پێشکێشکری دخولا لالیگا دا و ھەردیسان گڤاشتنێن مەزن ل سەر زێدان ژی ھەنە بۆ پشکدارکرنا ڤی یاریزانی ژلایێ جەماوەر و راگەھاندنا مەدرید ڤە، ھەردیسان رۆژناما مارکا ئاشکراکریە ژی زێدان گەلەک رێیێن دی ژی ھەنە بۆ پێگوھورێ بێل ئەوێ توشی ھنگافتنێ بووی نەشێت ل ڤێ یاریێ پشکداریێ بکەت ئەوژی ئەسینسیو ئەوێ ل یاریا بایرن میونیخ و ڤالنسیا شیای ئاستەکێ بلند پێشکێش بکەت ھەردیسان خامێس رودرێگیز کو دەلیڤەیا وی ژی ھەیە پشکداریێ بکەت لێ دەلیڤەیا ھەرە مەزن بۆ ئیسکوی ھەیە بۆ یاریا ئەڤ شەڤە یاریێ بکەت.
دانی کارفاخال یاریزانێ یانا ریال مەدرید ل گونگرێ رۆژنامەڤانی دیارکر کلیلا سەرکەفتنا ئەوان بۆ یاریا دووماھیا چامیونیز لیگ دبینت یا دڤێ یاریێ دا ھەکە ئەو بشێن ئەنجامەکێ سەرکەفتی ل ڤێ یاریێ توماربکەن دێ د شیان دا بیت ئەو یاریا دوێ پاراستنا ئەنجامێ خوە بکەن، ھەردیسان ناڤبری ئاشکراکر ئەوی گەلەک ھەڤال ھەنە یاریزانێن ئەتلەتیکو مەدرید لێ ل گەل دەستپێکرنا فیرکا دادڤان ئەو ھەمیا ھەڤالێن خوە دێ ژبیر کەت و ھەڤرکیەکا دژوار ل گەل کەت و سەبارەت ئەنتونیو کرێزمان کارفاخال دیارکر کرێزمان ئێک ژ یاریزانێن ھەرە باشە نوکە ل سەر ئاستێ تەپا پێ ل ئورۆپا و جیھانێ و داخازا سەرکەفتنێ بۆ وی دخوازیت لێ نە ل یاریا ئەڤ شەڤە ژبەرکو ئەو نوکە ھەڤرکا ئەوانە .
مێژو د بەرژوەندیا ریال مەدرید دا یە
ھەردو یانا مێژویەکا کیر و درێژ ل گەل ئێک ھەیە کو ٢١٥ یاری ژ قارەمانیێن فەرمی بوون ریال مەدرید شیا ١٠٨ یاریان سەرکەفتنێ توماربکەت بەرامبەر ٥٤ جاران ئەتلەتیکو سەرکەفتی یە و لگەل ٥٣ وەکھەڤیا و یاریزانێن مەدرید ٣٦٠ گول تومارکرینە بەرامبەر ئەتلەتیکو ٢٧٣ گول تومارکرینە کو سەرجەمێ ئەوان یاریان دا ١٦٠ یاری ژ خولا لالیگا بوون کو تێدا ریال مەدرید ٨٦ جاران شیا سەرکەفتنێ توماربکەت بەرامبەر ئەتلەتیکو مەدرید ٣٩ جاران و ٣٥ جاران وەکھەڤبووینە و کاس مەلەک ئیسپانیا ٤٢ جاران ھەمبەری ئێک بووینە ١٧ جاران ریال سەرکەفتن تومارکریە و ١١ جاران بو ئەتلەتیکو ١٤ جاران وەکھەڤبووینە د سوپرا ئیسپانیا دا دو یاری ھەمبەری ئێک بووینە ریال نەشیا سەرکەفتنێ توماربکەت بەرامبەر ئەتلەتیکو مەدرید سەرکەفتنەک تومارکریە و ل گەل وەکھەڤیەکێ سەرجەمێ گشتی یێ یاریێن ئەوان یێن فەرمی و نە فەرمی دبنە ٢٧٧ یاری ١٤٥ جاران یانا مەلەکی ب سەرکەفتی یە بەرامبەر ٦٩ جاران ئەتلەتیکو ل گەل ٦٣ وەکھەڤیا کو یاریا ئێکێ دناڤبەرا ھەردو یانان دا ھاتیە کرن ل سالا ١٩٢٩ بوو دھاتە ھژمارتن دێربیا ئێکێ یا مەدرید ئەوژی ژ قارەمانیا کاس مەلەک ئیسپانیا بوو تێدا ریال ب سەرکەفت ل سەر ئەتلەتیکو ب سێ گولان بێ بەرامبەر و د ھەمان سال دا کلاسیکویا ئێکێ ژ خولا لالیگا ژی ھاتە ئەنجامدان و تێدا ریال دیسان ب سەرکەفت ب دو گولان بەرامبەر گولەکێ .
مێژویا ھەردو یانا ل چامپیونیز لیگ دا
ھەردو یانا حەفت جاران د قارەمانیا چامپیونیز لیگ دا ھەمبەری ئێک بووینە کو یانا ریال مەدرید چار جاران شیا سەرکەفتنێ توماربکەت بەرامبەر جارەکێ ئەتلەتیکو ب سەرکەفتی یە و ل گەل دو وەکھەڤیا یاریا ئێکێ ھاتیە ئەنجامدان ل سالا ١٩٥٩ بوو تێدا ریال مەدرید ب سەرکەفت بوو ل سەر ئەتلەتیکو مەدرید و ھەردیسان ریال مەدرید سێ جاران ئەتلەتیکو مەدرید ژ قارەمانیێ کریە کو دو جاران ل یاریا دووماھیا چامپیونیز لیگ شیا سەرکەفتنێ ل سەر توماربکەت .
دیگو سیمیونی کەنگی دێ ژ خەفکا ریال قورتال بیت
دیگو سیمیونی نوکە دھێتە ھژمارتن ئێک ژ بەرنیاسترین راھێنەرێن جیھانی و ل وەرزێ ٢٠١١ پوستێ راھێنەریا یانا ئەتلەتیکو مەدرید وەگرتی یە ھەر ژ سالا ئێکێ ل گەل وێ یانێ شیا چەندین دەستکەفتیان بۆ ڤێ یانێ توماربکەت کو ل وەرزێ ٢٠١١-٢٠١٢ شیا کاس یورۆپا لیگ ب دەستخوڤە بینت و ٢٠١٢ سوپر ئورۆپا و کاس مەلەک ئیسپانیا سالا ٢٠١٢-٢٠١٣ ب دەستخوڤە بر و ھەردیسان خولا لالیگا ئیسپانیا پشتی بورینا ١٨ سالان جارەکا دی ئەتلەتیکو ب سەر دەستێ ڤی راھێنەری شیا ناسناڤێ خولێ ب دەستخوڤە بینت لێ راھێنەر بتنێ نەشیا ئێک ناسناڤ ب دەستخوڤە بینت بۆ ڤێ یانێ ئەوژی قارەمانیا یانێن ئورۆپا قارەمانێن خولا کو دو جاران گەھشتی یە یاریا دووماھیا قارەمانیێ و ل سەر دەستێ ریال مەردید خوسارەت بوویە ئەوژی ل سالا ٢٠١٤ کو تیما ئەتلەتیکو یا پێشکەڤتی بوو ھەتا چرکێن دووماھیێ لێ ب گولا راموس یا ل خولەکا دووماھیێ یاری وەکھەڤکری و پاش ریال سەرکەفتن تومارکری ب چار گولان بەرامبەر گولەکێ و ل دووماھیا وەرزێ بوری دیسان ریال شیا ڤی راھێنەری ژ ڤێ قارەمانیا مەزن ل ئورۆپا بێ باربکەت پشتی سیمیونی دیسان ل گەل ریال مەدرید خوسارەت بووی ئەڤ جارە ب لێدانێن پەنەلتیان .
