ب وێنە ریال دخوازیت ھەڤبەستێ ل گەل پێنج یاریکەرێن نووی ئیمزابکەت
ئەڤرۆ نیوز:
مالپەرێ سەنترال یێ ئیسپانی ئەوێ گرێدای یانا ریال مەدرید د نوچەیەکێ خوە یێ ئەڤرۆ دا دیارکری یە یانا ریال مەدرید نوکە د قەیرانا یاریکەرەکێ گولکەر دایە تایبەت پشتی ئەو ئاریشەیێن بەردەوام یێن یاریکەرێ وی یێ فەرەنسی بن زیما یێن دەرڤەی یاریگەھا .
ھەمان مالپەر ئەو چەندە ژی دیارکری یە مەلەکی نوکە یا لێگەریانا ھێرشبەرەکێ خودان شیان کەت بۆ ڤەگوھاستنێن زفستانی یان یێن ھاڤینا بھێت کو پێنج یاریکەر بەربژارن ئەو ژی گولکەرێن تیمێن خوە و خولێن خوە نە .
یاریکەرێ برۆسیا دۆرتموند و یێ تاگولی ئیمریک ئوبامیانگ گولکەرێ یانا برۆسیا دۆرتموند و خۆلا بۆندس لیگا ب توماکرنا ١٧ گولان دبیت ئێک ژ بەربژارێن ریال یێن ب ھێز ئوبامینگا بیت ژبەرکو یانا وی نوکە د رەوشەکا نەباش یا قەیرانا دارایی دایە بەری نوکە ئەڤ یاریکەرە ئینابو بەرفروتنێ ب کوژمێ ٦٠ ملیۆن یورۆیا
جێمی فاردی یاریکەرێ نیڤدەولی ئینگلیزی و یانا لیستەر ستی ئێک ژ ناڤێن ب ھێزە ئەڤ سالە دخۆلا ئینگلتەرا نوکە گولکەرێ خۆلا پریمیرلیگە ب تومارکرنا ١٤ گولان و چەندین یانا دخوازن ھەڤبەستێ ل گەل ڤی یاریکەری ئیمزابکەن و یانا مەلەکی ژی ئێک ژ ئەوان یانایە بھایێ فرۆتنا ڤی یاریکەری ٣٠ ملیون جینی ئیسترلینی یە .
ماورۆ ئیکاردی یاریکەرێ ئەرژەنتینی و یانا ئەنتر میلان یا ئیتالی ئێک ژ ناڤێن بھێزە بۆ ھاتنا وی بۆ ڤەگوھاستنێن زفستانی بۆ پێکھاتیێ یانا شاھانە پشتی ل وەرزێ ئەڤ سالە چەند ئاریشە دناڤبەرا یاریکەری ئەرژەنتینی و راھێنەرێ تیما ئەنتر مانشینی پەیدابووین کو یاریکەری ناڤبری ل وەرزێ بوری گولکەرێ تیما خوە خولێ بۆ ب تومارکرنا ٢٢ گولا لێ ل وەرزێ ئەڤ سالە ژ ١٢ یاریان بتنێ ٤ گول تومارکری نە
ھاری کین گولگەرێ خۆلا ئینگلتەرا و یانا توتنھام ل وەرزێ بوری شیای ئاستەکێ بلند ل گەل یانا خوە دخۆلا پریمیرلیگ پێشکێش بکەت بووی یە جھێ گرنگیا ھەردو یانێن مانشێستەر یوناید و ریال ھەردو یانا حەزا خوە بۆ ئیمزاکرنا ئەڤی یاریکەری دیارکری یە
یاریکەرێ گەنج و یانا ئەتلەتیکۆ بلباو ئنیاکی ویلیامز یێ ٢١ سالی ل وەرزێ ئەڤ سالە شیای یە ئاستەکێ بلند ل گەل یانا خوە دخۆلا لیگا ئیسپانیا دا پێشکێش بکەت ئەوژی بەربژارەکی َ ب ھێزە ل ڤەگوھاستنێن زفستانی ھەڤبەست ل گەل بھێتە ئیمزاکرن
