ب وێنە و زانیاری- ناڤەندا قەزا حەویجە پشتی هاتیە کونترۆلکرن
ئەڤرۆ نیوز ، هلۆری:
هێزێن عیراقی تەڤایا قەزا حەویجە کونترولکر ، د دیمەنێن حەویجەدا وەسا دهێتە خویاکرن کو کاڤلکاریێن زور هاتینەکرن ، ئەڤرو و دوهی 141 گوند و ناحی وکومەلگەه هاتینە کونترۆلکرن.
فەریق جودەت شاکر فەرماندەیێ پولیسێن فیدرالی بو ئەڤرۆ نیوز گۆت: ( پشتی کو سەنتەرێ قەزا حەویجە ژلایێ هەموو هێزێن عیراقی هاتیە کونترولکرن نها دەست ب ڤەکولین و پشکنینا ناڤ سەنتەرێ قەزایێ و دەوروبەران دهێتەکرن ژ بو دەرکرن و پاقژکرنا وێ ژ چەکدارێن داعش ، هەتا نها 270 چەکدار ل قەزا حەویجە هاتینە کوشتن ، و حەویجە و 141 گوند و کومەلگەه و ناحیێن وێ ژی هاتینە کونترۆلکرن)
زێدەتر گۆت: ( ژبلی کونترولکرنا گوند و دەڤەران ، د هەمان دەم دا دەست ب سەر هژمارەکا چەک و تەقەمەنیێن داعش هاتیەگرتن)
ژلایەکێ دن ڤە ئەڤرۆ و دوهی ل گورەی زانیاریێن ئەڤرۆ نیوز زێدەتری هزار وەلاتێین قەزا حەویجە ژ ترسا داعش و حەشد شەعبی خوە گەهاندیە سەنگەرێن پێشمەرگەی ، ئەڤە د دەمەکێ دایە کو چەند روژێن بوری ژی نێزیکێ دوو هزار وەلاتیان خوە گەهاندبوو سەنگەرێن پێشمەرگەی.
