ب وێنە و ڤیدیۆ: ئاھەنگا دەرچوونا قوتابیێن زانکۆیا نەورۆز
ئەڤرۆ نیوز، نەوزاد ھلوری:
فەرھاد ئەترۆشی پارێزگارێ دھۆک کو ھەڤدەم چاڤدێرێ ئاھەنگێ بو زێدەباری پیروزباھیا قوتابی و کەس و کارێن وان گوت ژی: ( ئێک ژ کارێن سەرەکی یێن حوکمەتا ھەرێمێ ئەوە کو د ھەموو واراندا خزمەتا خەلکێ خوە بکەت ب تایبەتی د رێیا ئەمن و ئاسایش و زانست و پەروەردە و فێرکرنێ دا ، و کوردستانێ لەشکەرەک ژ پێشمەرگەی ھەیە پاراستنا سەر و مالێ خەلکی دکەت، و خەلکێ کوردستانێ ژی پێدڤی یە کو زێدەتر ھەڤکاربن ، و دیسان حوکمەتێ د بیاڤێ ئابووری و سیاسی ژی خزمەتاکا باش کریە و کومەکا قانونان بو رێکخستنا جڤاکی دەرکریە داکو چوو کێشە درۆست نەبن ، نوکە رەوشا ئەمنی ل عیراق و روژھەلاتا ناڤەراست ب زەحمەت کەفتیە).
زێدەتر گۆت: (ئەڤرۆ ل کوردستانێ ب گشتی و پارێزگەھا دھۆک بتایبەتی ھژمارەکا زور یاحزمەتگوزاریان دوارێ پەروەردە وفێرکرن و ساخلەمیێ و ھەموو کەرتان خزمەتەکا بەرچاڤ ھاتیەکرن کو بەراورد ل گەل سالێن بوری رێژەیەکا زور بەرچاڤ زێدەبوویە، حوکمەتا ھەرێما گوردستانێ د کابینا داھاتی دا دێ دەلیڤێن کاری بو دەرچویێن زانکویێ ھێتەدان و ھێنە دامەزراندن).
دکتور عزەت فەندی یەحیا سەرۆکێ زانکویا نەورۆز دیارکر کو زانکۆیا نەورۆز روژ بو روپێ بەر ب پێشکەفتنێن باشتر دچیت و گت: (زانکویا نەورۆز بویە ئێک ژ ژێدەرێن سەرەکی یێن دەستڤەئیننا زانستی ل کوردستان و پارێزگەھا دھۆک و رولەکێ بەرچاڤ ھەیە د پێگەھاندنا قوتابیان و کەرتێ زانستی ، و د سالێن بوری دا ھژمارەکا زور یا قوتابی دەرچووینە و نوک ناڵڤ دام و دەزگەھێن حوکمەتێ خزمەتا خەلکێ خوە دکەن ، و نوکە ئەم یێ بەر ب ھەلبژارتنان دچین و ئومێدەوارین خەلکێ مە ب گەرما و گەرم پشکداریێ تێدا بکەت و دەنگی بو راستیێ بدەن و خزمتا پێشمەرگەی بو کوردستانێ ژ بیرنەکەن ، و سوپاسیا حوکمەتا ھەرێما کوردستان ب تایبەتی کەساتیا نێچیرفان بارزانی سەروکێ حوکمەتێ و پێشمەرگێن قارەمان و لقێ ئێکێ پارتی دکەین کو ھەردەم ل گەل مە ھاریکاربوون).
ژلایەکێ دیڤە ، فەرسەت مەحمود بەرپرسێ راگەھاندنا زانکویا نەورۆز بو ئەڤرو گوت: (دوھی ئێڤاری ب بەرھەڤبونا جەعفەر ئێمینکی سەرۆکێ پەرلەمانێ کوردستانێ ب وەکالەت ،و فەرھات ئەترۆشی پارێزگارێ دھۆک و سەروکایەتیا زانکویا نەورۆز و ھژمارەکا بەرپرسێن حوکمی و ماموستا و قوتابیان و جەماوەرەکێ زور ئاھەنگا گەرا 12ێ یا زانکویا نەورۆز ل یاریگەھا چالاکیێن وەرزشی یا پەروەردا گشتی پارزگەھا دھۆک ب رێڤەچۆ کو تێدا ھزار و 300 قوتابیان باوەرناما بەکالوریوس وەرگرتن ، و لسەر 13 پشکێن زانستی و پێنج کولیژان ھاتبونە دابەشکرن).
