ب وێنە – پارێزگارێ دھۆکێ دەنگێ خوە دا و پەیامەک ژی بەلاڤکر
ئەڤرۆ نیوز ، ھلوری:
فەرھاد ئەمین ئەتروشی پارێزگەرێ دھوکێ ل قوتابخانا (سییەنا) ل باژێرێ دھوکێ دەنگێ خو بو ریفراندوما سەربخویا کوردستانێ دا و پشتی دەنگدانێ بو کەنالێن راگەھاندنێ ئاخفت وگوت: ( ھەستێ من وەکی ھەر ھاولاتیەکێ کوردستانێ وەکو کوردەک ئەز دبیژم ئەڤە خەونەک بو یا سەد سالا یە ڤەرێژا خەباتا سەد سالا یا خەلکێ مە ئەڤرو ب پەیڤەکێ و ل جھەکێ ھوسا کو بێژین بەلێ بو دەولەتا کوردستانێ ئەڤە خەونا مە ھەمیا بو براستی ئەز ھەست دکەم ب ڤێ دەنگدانێ ئەز یێ وەفاداریەکێ بو گیانێ وان کەسێن سالێن بیستا و سیھا ھاتینە شەھید کرن و شورەشا ئیلونێ و گولانێ وسەرھلدانێ و ھەتا شورەشا مەزن شەرێ دژی داعش خو قوربان کری و شەھید بوین ئەڤرو روژا ھندێ یە کو قەدرێ وان شەھیدا و وان عەگیدا ب ھندێ ھێتە دان کو ئەم ھەمی پێکڤە دەنگی ب بەلێ ب دەین بو دەولەتا کوردستانێ)
زێدەتر گۆت: ( پێدڤیە کومەلگەھێ نێڤ دەولەتی وەلاتێن جیھانێ سوپاسیا مللەتێ کورد وکوردستانێ بکەن چونکی براستی ئەو دگرفتەکا مورال و ئەخلاقی دا بوینە ئەڤە سەد سالە ئەف ولاتە ئەف مللەتە دابەش کری ئەو بوینە ئەگەرێ ڤان ھەمی کارەساتا ژبەر ھندێ دڤێت سوپاسیا مە کربا و پشتەڤانیا مە کربا ئەڤرو جھێ داخێ یە کو ھەمیا ھەلویستێ گەلەکێ باش نەبویە ھیڤی دارم پشتی ئەنجامێن ریفراندومێ و ڤی کەرنەڤالێ دیموکراسیێ ئەف ھەلویستە بھێنە گوھرین )
پارێزگارێ دھوکێ زێدەتر دیارکر کو ئەو داخاز ژ خەلکێ خو ە دکەن کو ھەمی پێکڤە بھێنە سەر سندوقێن دەنگدانێ و دەنگێ خوە بدەن و گۆت ژی: ( ھەر دەنگەک دەنگەکە و کەس نەبیژیت بو دەنگێ من چ نینە بلا نەچم ، دەنگێ ھەر ئێکی کاریگەری ھەیە وەکی جەنابێ سەروکی کەرەم کری ھندی دەنگەکێ بەلێ زێدە ببیت دێ ھێزەکا مەزنتر دەتە حکومەتا ھەرێما کوردستانێ و دەستھەلتدارێن کوردستانێ ل ھەمی جھا ، و ئەز وەکو وەلاتیەکێ کورد وەکو کوردستانیەک ئەز بخوش حالی ڤە دبیژم کەنالێن دیژی ل ڤێرێ دبینم ئەو کەنالێن دبیت ھندەک بوچونێن جودا ھەبون و گەلەک تشتەکێ سروشتی یە و داخازێ ژ ھەمی کوردستانیا دکەم چ کومەل بیت یان گوران بیت یان پارتی بیت یان ئێکەتی بیت یان ھەر کی بیت ئەڤرو روژا مە ھەمیا یە ئەڤرو روژا سەرکەفتنێ یە ئەڤرو داوەتا کوردستانێ یە پێدڤیە ھەمی پێکڤە بچنە سەر سندوقا و دەنگی ب بەلێ بدەین و ئەو جوداھیێن سیاسی یێن مە ھەین بدەینە لایەکی و دێ وەختێ جاکسازیا ژی ھێت کێماسی ھەنە و رەخنێ ل ئێک دو بگرین ئەڤ بابەتە ھەمی دجھێ خودا نە لێ سەرخوەبونا کوردستانێ و دەولەتا کوردستانێ راپرسی و ریفراندوما ئەڤرو ئەرکەکە ل سەر ملێت مەھەمیا و دیروک دێ بو مە ھەمیا تومار کەت)
ددەربارەی رولێ راگەھاندنێ و ھێزێن ئێمناھیێ پارێزگەری گوت : ( راگەھاندن رولەکێ مەزن دگێریت لەوما ھیڤی دارم ژ ھەمی کەنالێن راگەھاندنێ کو خەلکێ ھان بدەن بچنە سەر سندوقا و دەنگێ ب بەلێ ب دەن ، و بەردەوام لژنا بلند یا ئەمنی ل پارێزگەھێ مە کومبون کرینە دگەل دەزگایێن ئەمنی و دگەل لایەنێن سیاسی ژی و مە ھەمیا داکوکی ل ھەفکاری و پشتەڤانیێ ل دەزگایێن ئێمناھیێ کریە ژبو ھندێ کو ئارامی و ئاسایشا پارێزگەھا خو بپارێزین مە بەردەوام دگەل دەزگایێن ئەمنی چ ل ناف باژێری یان دەرڤەی باژێری و دگەل کومسیونێ ئەم بەردەوامین و وەکو سەروکێ لژنا ئەمنی ل پارێزگەھێ ھەر ژنوکە تا ئەنجام دەردکەڤن ئەز دێ حازر بم ل پارێزگەھێ و دام و دەزگەھێن ئەمنی ھەمی دگەل مەدانە و ب ئانەھیا خودێ چ چینابیت )
