ب وێنە – 60 ھزار تەنێن پەتاتەیان ل ڤێ دەڤەرێ ھاتنە بەرھەمئینان
ئەڤرۆ نیوز ، نەوزاد ھلۆری:
قەزا شێخان ل سنوورێ پارێزگەھا دھۆک ئێکە ژ وان دەڤەرێن ھەری بناڤ و دەنگ بۆ چاندنا پەتاتەیان و ئەڤ سالە نێزیکێ شەش ھزار تەنێن پەتاتەیان ھاتبونە چاندن و نێزیکێ 60 ھزار تەنان ژی بەرھەمئینان.
ئەندازیار ئەنوەر عەبدولرەحمان راوێژکارێ چاندنێ ل شیرەکاریا چاندنا قەسرۆکێ بۆ ئەڤرۆ نیوز گۆت: (جوتیارێن سنوورێ قەزا شێخان زورترین پەتاتە ل سنوورێ پارێزگەھا دھۆکێ چاندینە ، ل سنوورێ شێخان 250 جوتیار ھەنە کو ھەر ئێکێ ژ وان دناڤبەرا 200 بو 250 تەنێن پەتاتەیان چاندبوون ، ودھێتە پێشبینیکرن کو ئەڤ سال دورێن 60 ھزار تەنێن پەتاتەیان ل شێخان بھێنە بەرھەمئینان کو ئەڤ یەک ژی رێژەیەکا باشە و دەلیڤەکا زۆر یا داھاتی بو وەلاتیان پەیداکریە)
زێدەتر گۆت: (حکومەتا ھەرێما کوردستانێ پێشتر ب رێژا 25% ھاریکاریا جوتیاران د دانا توڤێ پەتاتەیان کربوو و ئەڤە سەرەرای کو تیمێن حکومەتێ رۆژانە ژی سەەردانا زەڤیێن ئەوان جوتیاران دکر و رێنمایی ددانە وان ، بەلێ تشتێ گرنگتر ئەوە کو حکومەت بو وان بکەت ئەوە کو حکومەت ھەڤکاربیت بۆ فرۆتنا بەرھەمێن وان ب تایبەتی نەھێلیت د وەرزێ فروتنێ دا بەرھەمێن بیانی بھێنە ھاوردەکرن و باجێ بێخیتە سەر بەرھەمێن بیانی ، و دیسان رێکێ خوش بکەت بو فروتنا بەرھەمێن نافخوی)
راوێژکارێ چاندنێ ل شیرەکاریا چاندنا قەسرۆکێ دیارکر ژی کو بەرھەمێن پەتاتەیێن شێخان دچنە ھەموو پارێزگەھێن ھەرێمێ و ھندەک ژ پارێزگەھێن عیراقێ و زێدەتر گۆت: (پشتی کو پشکەکا زور یا پارێزگەھا موسل ھاتیە رزگارکرن رەنگە بەرھەمێ پەتاتەیێن شێخان بو کوکەلی ژی بھێنە رەوانەکرن ، دیسان دخوازین کو حکومەت کوگەھێن مەزنێن ھەلگرتنا پەتاتەیان ل دەڤەرێ درۆست بکەت داکو کارتێکرن ل جوتیاران نەھێتەکرن ھەتاکو بەرھەمێن خوە دفرۆشن)
