“ب پاشئێخستنا ھەلبژارتنا دێ دیموکراسیا ل کوردستانێ کەڤیتە ژێر پرسیارێ”
ئەڤرۆ نيوز:
سکرتێری گشتیێ حزبا سوسیالست دیموکراتا کوردستانێ دیارکر، ھندەک لایەنێن سیاسی ل ھەرێما کوردستانێ پشتی دیارکرنا روژا 30 ێ ئیلونێ بۆ ئەنجامدانا ھەلبژارتنێن پەرلەمانێ کوردستانێ بزاڤا وێ چەندێ دکەن ھەلبژارتن بھێنە پاشئێخستن بۆ دەمەکێ دی بەلێ ھیڤیدارین ھەلبژارتن ل دەمێ خوەیێ دیاریکری دا بھێنە ئەنجامدان ، ئەگەر ھەلبژارتن ل دەمێ خوەدا نەھێنە ئەنجامدان دێ ئەڤ پائێخستنە کەڤیتە ژێر بارێ پرسیارێ کا ژبەرچی و بۆچی ل دەمێ خوەیێ دیاریکری دا نەھێنە ئەنجامدان لەورا ھیڤیدارن ھەلبژارتن ل دەمێ خۆەدا بھێنە ئەنجامدان بۆ پەرلەمانێ کوردستانێ، ژ بەر کو ب پاشئێخستنا ھەلبژارتنێن پەرلەمانێ کوردستانێ ل دەمێ دیاریکری دا دێ دیموکراسیێ ل کوردستانێ کەڤیتە ژێر پرسیارێ.
محەمەدی حاجی مەحمود سکرتێری گشتیێ حزبا سوسیالست دیموکراتا کوردستانێ بۆ روژناما ئەڤرۆ گوت: ھەموو کەسەکێ ل کوردستانێ مافێ خوە ھەیە پشکداریێ بکە ل ھەر ھەلبژاردنەکا ل کوردستانێ ب رێڤە دچیت بۆ ڤێ گەرا ھەلبژارتنێن پەرلەمانێ کوردستانێ ھژمارەکا پارت و لیستێن نو بۆ جارا ئێکێ دێ پشکداربن و مافێ وانایەو کوردستان وەلاتەکێ تژی دیموکراسیە ھەرکەسێ بڤێت دشێت پشکداربیت و رێگری ژی ل کەسێ نەھاتیە کرن.
محەمەدی حاجی مەحمود ئاشکراکر، کابینا ھەشتێ یا حوکمەتا ھەرێما کوردستانێ ب فەرمی چۆ ئۆپۆزسیون نەبوون، بەلێ گەلەک لایەن وەک ئۆپۆزسیونێ بۆن ل ناڤ پەرلەمانی دا چۆار کومبۆن پێکڤە ئەنجام نەدان ،ئۆپۆزسیون ئەو ھێز و لایەنن کو پشکداریێ ل کابینا حوکمەتێ نەکەت.