ب پشكداريا ياريكه‌ره‌كێ دهۆكێ هه‌لبژارتيێ عيراقێ ل به‌رامبه‌ر توركيا هاته دوراندن
ئه‌ڤرۆنيوز:
دوهى ئێڤارى ل سه‌ر ياريگه‌ها شه‌عب يا نێڤده‌وله‌تى ل به‌غدا، ياريه‌كا ته‌پا پێ دناڤبه‌را ستێرێن هه‌لبژارتيێ توركيا يێ سالا 2002 ئه‌وێ رێزا سيێ ل مونديالا كوريا ويابان 2002 بده‌ستڤه‌ئيناى وستێرێن هه‌لبژارتيێ عيراقێ يێن به‌رێ هاته ئه‌نجامدان
دوێ ياريێ دا ستێرێن هه‌لبژارتيێ توركيا يێ سالا 2002 ب ئه‌نجامێ 4-2 سه‌ركه‌فت وئه‌و ياريه هاته ئه‌نجامدان دچارچۆڤێ بزاڤێن وه‌زاره‌تا وه‌رزش ولاوان ل عيراقێ بۆ راكرنا دۆرپێچا ئه‌نجامدانا ياريان ل سه‌ر ياريگه‌هێن به‌غدا ومه‌يسان ودهۆك وزاخۆ ژئاليێ ئێكه‌تيا ته‌پا پێى يا نێڤده‌وله‌تى ڤه (فيفا)، پشتى كو به‌رى چه‌ند هه‌يڤان فيفايێ دۆرپێچا ل سه‌ر ئه‌نجامدانا ياريێن نێڤده‌وله‌تى ل يارێگه‌هێن به‌سرا وكه‌ربه‌لا وهه‌ولێر يێن نێڤده‌وله‌تى راكرى.
گۆلێن ستێرێن توركيا يێن سالا 2002 ژئاليێ ته‌يمور مه‌تين 2 گۆل، ئه‌حمه‌د دورسون 2 گۆل هاتن تۆماركرن وهه‌ردو گۆلێن ستێرێن به‌رێ يێن هه‌لبژارتيێ عيراقێ ژئاليێ هيشام محه‌مه‌د وقوسه‌ى هاشم ڤه هاتنه تۆماركرن.
دوێ ياريێ دا، ياريكه‌رێ به‌رێ يێ هه‌لبژارتيێ عيراقێ وهه‌ردو يانێن دهۆك وزاخۆ (خالد موشير) پشكدارى تێدا كر.
