ب په‌سندكرنا قانوونێ ژی ئه‌مریكا هێزێن خوه ژ عیراقێ ڤه ناڤه‌كێشیت
ئه‌ڤرۆنیۆز، سالار دۆسكی:
د.محه‌مه‌د ئیحسان، وه‌زیرێ مافێ مرۆڤی یێ به‌رێ ل حوكمه‌تا هه‌رێما كوردستانێ بۆ مالپه‌رێ ئه‌ڤرۆ نیۆز ئاشكراكر كو كورد ئه‌ڤرۆ پشكداریێ ل كۆمبوونا په‌رله‌مانێ عیراقێ دا ناكه‌ن یا كو گرێدایی ب نه‌هێلانا هێزێن ئه‌مریكی ڤه‌یه ل عیراقێ، خۆیاكر ژی كو نه بتنێ كورد دژی ڤێ قانوونێ نه به‌لكو عه‌ره‌بێن سونه و پشكه‌كا شیعان ژی دژی ڤه‌كێشانا هێزێن ئه‌مریكی یه ل عیراقێ.
زێده‌تر ئیحسانی گۆت: ئه‌ف قانوونه بهێته ده‌ركرن یان نه‌هێته دره‌كرن ئه‌مریكا هێزێن خوه ژ عیراقێ ڤه ناڤه‌كێشیت، قانوونێن په‌رله‌مانی ل ڤی ده‌می ل گه‌ل حوكمه‌ته‌كا به‌روه‌خت نه‌شێت رێكه‌فتنه‌كا ستراتیجی ب گوهوریت، هه‌كه عه‌قلیه‌ت بهێته بكارئینان خه‌لكێ عیراقێ دشێت مفایی ژ ئه‌ڤێ رێكه‌فتنا ستراتیجی وه‌ربگریت، هه‌كه ئه‌مریكا خوه ڤه‌كێشیت، عیراق نامینت وه‌لات و دێ پتریا وه‌لاتان نوونه‌راتیێن خوه ڤه‌كێشن ژ عیراق.
