ب ڤيديۆ: ل دهۆكێ ئاگر به‌ربوو چه‌ند ترۆمبێلان
ئه‌ڤرۆ نيوز:
ئه‌ڤرۆ ل به‌ر ده‌رگه‌هێ په‌يمانگه‌ها ته‌كنيكى دهۆك يا تايبه‌ت ئاگر به‌ربوو ترۆمبێله‌كا ڤه‌گوهاستنا سوته‌مه‌نيێ و سێ ترۆمبێل ژى ل گه‌ل هاتينه سۆتن.
نه‌وزاد چێى، كه‌سه‌كێ نێزيكى روودانێ بوو و وێنه و ڤيديۆ بۆ ئه‌ڤرۆ نيوز ره‌وانه كرينه، دياركر كو ئاگر به‌ربوويه ترۆمبێله‌كا سۆته‌مه‌نيێ كو دبيت ب مه‌ره‌ما وێ چه‌ندێ ل وێرێ بوويه سۆته‌مه‌نيێ بۆ په‌يمانگه‌هێ دابين بكه‌ت، به‌لێ ئاگر به‌ربوون چێبوويه و سێ ترۆمبێل ل گه‌ل سۆتينه.
ئاشكه‌را ژى كر كو سه‌ره‌راى زيانێن ماددى، ئه‌مبۆلانس ژى چووبوونه جهێ روودانێ و ڤه‌گه‌ريان و گۆت: “روودان نها ژ لايێ تيمێن ئاگرڤه‌مراندنێ ڤه هاته كۆنترۆلكرن”.
