ب ڤیدیو : دخرڤەبوونەکێ ل شێلادزێ ئیدانا روودانا دەڤەرا رێکان ھاتەکرن
وێنە و ڤیدیو ، نەوزاد هلوری:
ئێڤاریا ئەڤرۆ ل سەنتەرێ ناحیا شێلادزێ کومەکا گەنجێن سیریێ و شێلادزێ و دێرەلوکێ دخرڤەبونەکێ دا ب بلندکرنا چەند درۆشمەکان ئیدانا دەولەتا تورکیا کر ھەمبەر شەھیدکرنا خەلکێ دەڤەرا رێکان کر ، د ھەمان دا خواست کو پەکەکە بھانەیان دروست نەکەن کو خەلکێ دەڤەرێ ببنە قوربانیێن فروکێن تورکیا.
جەگەر محەمەد بناڤێ گەنجێن سیریێ و شێلادزێ و دێرەلوک ئاخفت ۆ گۆت: ( ئەم ئەڤرۆ ل ڤێرە کومبوینە بو ئیدانەکرنا دەولەتا تورکیا کو دوو روژێن بوری حەفت وەلاتیێن شێلادزێ ژلایێ سوپایێ فاشستێن تورکیا ھاتینە شەھیدکرن ، ئەڤ یەک ژی نە جارا ئێکێ یە کو روودانێن بڤی رەنگی ل دەڤەرێ رووددەن و ب شەھیدکرنا خەلکێ دەڤەرێ ئەوان برینێن چەندین روودانێن بووری ساخکرن ، دخوازین کو حکومەتا ھەرێما کوردستانێ ب جدی کار بکەت کو ئێدی ئەڤ کارەساتە دووبارە نەبن ڤە ، دخوازین ژ پەکەکێ کو بھانەیان دروست نەکەن کو خەلکێ دەڤەرێ ببیتە قوربانیێ فروکێن تورکیا)
