ب ڤیدیۆ: دو گۆند ل بەرەیێ راستێ يێ شەرگات ھاتنە کونترۆلکرن
ئەڤرۆ نیوز ، نەوزاد ھلۆری:
سپێدەیا ئەڤرۆ حەیدەر عەبادی فەرماندەیێ گشتیێ ھێزێن چەکدارێن عیراقێ دەستپێکرنا ئوپەراسیوونا کونترۆلکرنا حەویجە و باشوورێ رۆژئاڤایێ کەرکوکێ راگەھاند ، فەریق رائید جەودەت ژ پولیسێن فیدرالی بو ئەڤرۆ نیوز دیارکر کو ل گەل دەستپێکرنا کونترولکرنا حەوجیە دوو گوند ژلایێ شەرکات ھاتنە کونترولکرن.
فەریق رائید جەودەت ژ پولیسێن فیدرالیێن عیراقێ بۆ ئەڤرۆ نیوز گۆت: (پولیسێن فیدرالی ب ھزاران تانک و زریپوش و چەکێ قورس ڤە ل دەڤەرێن شەرگات دەست ب ئوپەراسیوونا کونترولکرنا حەويجە کریە و وەکو پێنگاڤا ئێکێ چەند رێیەک بو چونا ناڤ جھێ مەبەست ھاتنە ڤەکرن و داکو ھێزێن مە بالا دەست بن لسەر کونترولکرنا حەویجە و ئەو دەڤەرێن کو ل بن دەستھەلاتا داعشێ دانە)
زێدەتر گۆت: ( ھێزێن پولیسێن فیدرالی شیان ئەڤرۆ دەوروبەرێن دەمژمێر 9:00 ھەردوو گوندێن ” کھاوە و شیراوە ” کو دکەڤنە لایێ راستێ شەرکات کونترول بکەن)
ژلایەکێ دنڤە جەبار یاوەر ئەمیندارێ گشتی یێ وەزارەتا پێشمەرگەی ل ھەرێما کوردستانێ راگەھاند کو ھێزێن پێشمەرگەی پشکداریێ د ئۆپەراسیۆنا کونترۆلکرنا حەوێجە دا ناکەت.
ئەمیندارێ گشتی یێ وەزارەتا پێشمەرگەی ئاماژە ب وێ چەندێ ژی کر کو ب تنێ ھێلێن بەرەڤانیێ یێن خوە ب ھێز کەت و رێ نادەت چەکدارێن داعش بچیتە ناڤ سنورێن ھەرێمێ ھەر وەکو چاوان د ئۆپەراسیۆنا کونترۆلکرنا تلەعفەر دا ئەنجام دا.
قەزا حەویجە ب مەزنترین قەزا عیراقێ دھێتە ھژمارتن و ب دوراتیا 60کم دکەڤیتە باشوورێ رۆژئاڤایێ کەرکوکێ و پرانیا ئاکنجیێن وێ عەرەبێن سونەنە ، و ل سالا 2014 کەفتە ژێر دەستھەلاتا داعش و ھەر ئێک ژ پولیسێن فیدرالی و دژە تیرور و ملشیاتێن حەشد شەعبی د کونترولکرنا قەزا ناڤری پشکدارن ، و ملشیاتێن حەشد شەعبی د کونترولکرنا قەزا ناڤری پشکدارن ، و ھێزێن پێشمەرگەی ژی وەکو ھێلا بەرەڤانیا کوردستانێ دێ پشکداربیت.
