ب ڤیدیۆ- به‌راز ناهێلن 70% جوتیارێن ڤى گوندى برنجى بكه‌ن
ئه‌ڤرۆ نیوز، نه‌وزاد هلورى:
ل سنورێ ناحیا چه‌مانكێ هژماره‌كا جوتیاران ده‌ست ب چاندنا برنجى كریه، به‌لێ زۆربوونا به‌رازان بوویه ئه‌گه‌ر كو 70% ژ جوتیاران ده‌ست به‌ردارى چاندنا برنجى ببن، جوتیار دیار دكه‌ن كو ژ ترسا به‌رازان، وان ده‌ردورێن هه‌موو زه‌ڤیێن برنجى ل گوندى كرینه په‌رجان.
ره‌جه‌ب ئيبراهيم، جوتیاره‌كێ گوندێ كانى مازێ يه ل ناحیا چه‌مانكێ بۆ ئه‌ڤرۆ نیوز گۆت: (ل گوندێ مه هژماره‌كا مه‌زن یا به‌رازان هيێن هه‌ين و بووينه ئه‌گه‌ر كو زیانێن مه‌زن ب زه‌ڤیێن برنجى بكه‌ڤن، هندى ئه‌م دكوژین و ته‌لهان ل به‌ر ددانین و كریستیانێن ده‌ڤه‌رێ ژى دكوژن به‌لێ هه‌ر د زێده‌بوونێ دانه، ب تایبه‌تى نها كو وه‌رزێ هاڤینێ یه و به‌راز گه‌له‌ك حه‌ژ ئاڤ و جهێن هوین و هته‌قن و ب داروبار دكه‌ت).
زێده‌تر گۆت: (نها مه دورماندورێن برنجى كرینه په‌رجانێن نایلونى و دڤێت به‌راز ب چاڤ برنجى نه‌بینن هه‌كه دێ په‌رجانى ژى شكێنن).
جه‌مال ته‌يب، جوتیاره‌كێ دنى یێ هه‌مان گونديه بۆ ئه‌ڤرۆ نیوز گۆت: (هه‌بوونا به‌رازان بوویه ئه‌گه‌ر كو 70% ژ جوتیارێن ده‌ڤه‌رێ ده‌ستبه‌ردانێ چاندنا برنجى ببن و ئه‌وێن برنج ژى كرى، هه‌كه ب شه‌ڤ و رۆژ زێره‌ڤانیێ ل زه‌ڤیێن برنجى نه‌كه‌ن، نه‌شێن به‌رهه‌مێ برنجى ب ده‌ستخوڤه بینن).
دياركر ژى” وه‌ستيانا ب پاراستنا زەڤیێن برنجی دهێتە برن داکو بەراز پوچ نەکەت، پترە ژ وێ موه‌ستيانا ب چاندن و سەخبێریکرنا برنجی دهێتەبرن”.