ب ڤیدیۆ – كۆمسيۆنا دهۆكێ: چو سكالا ژلایێ قه‌وارێن سیاسى نه‌هاتینه توماركرن
ئه‌ڤرۆ نیوز، نه‌وزاد هلورى:
عه‌لى به‌ندى به‌رپرسێ ئوفیسا دهۆك یا كومسیونا بلندا سه‌ربخوه‌ى یا هه‌لبژارتن و راپرسێ یا هه‌رێما كوردستانێ دیاركر كو ئه‌وان هه‌موو به‌رهه‌ڤى بو هه‌لبژارتنێن په‌رله‌مانێ كوردستانێ دوماهى ئیناینه و بۆ ئه‌ڤرۆ نیوز گۆت (هه‌تا نوكه چوو سكالا ژ لایێ لیست و قه‌وارێن سیاسى نه‌گه‌هشتینه مه ، و تنێ چه‌ند پوسته‌ر و وێنه‌یێن به‌ربژاران هاتینه دراندن، و مه وه‌كو كومسیون ب هه‌ڤكاریا باژێرڤانیا دهۆك هه‌موو لایه‌نێن سیاسى ئاگه‌هداركرینه بو راكرنا وان زێده‌گاڤیێن ئه‌گه‌ر بهێنه‌كرن ژلایێ وان) زێده‌تر گۆت: (ل سنوورێ پارێزگه‌ها دهۆك 257 بنگه هاتینه‌دانان و فه‌رمانبه‌ر ل هه‌موو ئاستان راهێنانداینه، و دیسان هه‌شت هزار و 500 فه‌رمانبه‌ر وه‌كو گرێبه‌ست هاتینه دامه‌زراندن ، هژمارا 677 هزار 799 ده‌نگده‌رێن گشتى هه‌نه ، و دیسان 19 بنگه‌هێن ده‌نگدانێ بو ده‌نگده‌رێن تایبه‌ت ژى هاتینه ته‌رخانكرن).
