ب ڤیدیۆ: وەلاتيێن حەفت گوندان دەست ب چێکرنا رێیێن خوە کرن
ئەڤرۆ نیوز، نەوزاد ھلۆری:
ب مەرەما سڤكکرنا بارگرانیێ ل سەر حوکمەتا ھەرێما کوردستانێ، وەلاتیێن حەفت گوندێن سنۆرێ ناحیا شێلادزێ کو ب گوندێن زێباریان دھێنە نیاسین دەست ب چێکرنا رێیا سەرەکی یا گەھشتنا گوندێن خوە کرن.
دڤی واری دا فەرسەت عەبدولجەبار کو ئێکە ژ وەلاتیێن گوندێ ھلورا بۆ ئەڤرۆ نیوز گۆت: “وەکو بارسڤكکی ل سەر حوکمەتێ ب تایبەتی د بارودوخەکێ نھا دا کو قەیرانا دارایی ھەیە و چێکرنا پرۆژان ب زەحمەت کەفتیە، مە وەکو وەلاتیێن چەند گوندێن دەڤەرا زێبار ل سنۆرێ ناحیا شێلادزێ رابووینە ب چێکرنا رێیا سەرەکی یا گوندێن خوە”.
زێدەتر گۆت: “ھەر چەند ئەم رێ ب تەمامی دروست ناکەین و ناکەینە قێر، بەلێ دکارین هه‌تا رادەیەکێ باش تێکەلی بکەینە سەر جاددێ و راست بکەین دا کو بشێن ھاتنوچوونێ بکەین”.
ھارون سەديق ئەو ژی وەلاتیەکێ دن یی دەڤەرا زێبارێ یە ل شێلادزێ بۆ ئەڤرۆ نیوز گۆت: “مە وەکو وەلاتیێن حەفت گوندێن دەڤەرا زێبارێ ب فەر دیت کو رێیا سەرەکی یا گەھشتنا گوندێن خوە دروست بکەین ژ بەر کو ئەڤ رێیە زۆر يا نەخۆشە و د وەرزێ زڤستانێ دا دبیتە ھەڕی و ل وەرزێ ھاڤینێ ژی دبیتە تۆز، درێژاھیا رێ حەفت کیلومەترە و ژ بەر قەیرانا دارایی حوکمەتێ ب نیڤەرۆ ھێلایە، بەلێ پێدڤی یە دیسان حوکمەت ئەڤێ رێ قێر بکەت ژ بەر کو تێکەلە نابیتە چارەسەری بۆ ب دووماھی ئینان ب ئاریشێن وان گوندان).
ئەو حەفت گوند پێکدھێن ژ گوندێن لاتکا، سارکێ، خاستۆ ژووری، دێوکێ، خاستۆ ژێری، سەروکانی و ھلورا.
