ب ڤیدیۆ – ژ به‌ر نه گرێدانا قاویشا سلامه‌تیێ دترومبێلێ دا فرى
ئه‌ڤرۆنیوز:
په‌یڤدارێ رێڤه‌به‌ریا هاتنوچوونا هه‌ولێرێ دبه‌رپه‌رێ خوه ل سه‌ر تۆرا جڤاكى یا فه‌یسبووكى به‌لاڤكر، ل سه‌ر جادا 60 مه‌ترى ل هه‌ولێرێ، شوفێرى ترومبێله‌كێ ژبه‌ر ب له‌ز هاژووتنێ وته‌ربوونا جادێ، كونترۆل ل سه‌ر ترومبێلێ ژ ده‌ستدا وخو ل شوستێ جادێ دا وپاشى ب ستوینه‌كا كاره‌بێ كه‌فت.
فازل حاجى، په‌یڤدارێ رێڤه‌به‌ریا هاتنوچوونا هه‌ولێرێ گۆت ژى” ژبه‌ركو شوفێرى خوه ب قاویشا سلامه‌تیێ نه گرێدا بوو، ب هێزه‌كا مه‌زن ژ ترومبێلێ كه‌فته خوار وكه‌فته سه‌ر جادێ وب گرانى بریندار بوو”.
ناڤبرى داخواز ژ شوفێران كر كو هه‌تا ل ده‌مێن سپێدێ ژى وجاده دڤالا بن ژترومبێلان، پێدڤیه له‌زاتى نه‌هێته بكارئینان بۆ پاراستنا وان ژ روودانان.
گۆت ژى” هیڤیدارین شوفێر به‌رده‌وام قاویشا سلامه‌تیێ بكارئینن ل ده‌مێ هاژووتنا ترومبێلێ”.