ب ڤیدیۆ: 195 وه‌لاتان ئێك ژ گرنگترین رێككه‌فتن د دیرۆكا مرۆڤایه‌تیێ دا كر
ئه‌ڤرۆ نیوز:
پشتی دو حه‌فتییێن گۆتۆبێژان نوونه‌رێن 195 وه‌لاتان ل داویێ ل پاریسێ لسه‌ر راوه‌ستاندنا گه‌رمبوونا سه‌قایێ جیهانێ رێكه‌فتن و هیڤیه‌ك دا مرۆڤایه‌تیێ كو سه‌قا و ژینگه‌ها جیهانێ به‌ره‌ڤ كاره‌ساتان ڤه نه‌چیت.
لۆران فابیۆس وه‌زیرێ ده‌رڤه‌یێ فره‌نسا كو سه‌رپه‌رشتیا گۆبیتگێ تێكچوونا سه‌قای دكر داوی بریار دا كو 195 وه‌لاتێن نه‌ته‌وێن ئێكگرتی ره‌شنڤیسێ خوه خلاس كر.
رێككه‌فتن هاته كرن لسه‌ر كێمكرنا ئه‌و كار و سۆته‌مه‌نیێن پیشه‌سازیی یێن دبنه ئه‌گه‌رێ گه‌رمبوونا سه‌قایێ جیهانێ و مه‌ترسییا حه‌لبوونا جه‌مسه‌رێ باكۆر و بلندبوونا ئاڤا ئوقیانۆسان و روودانا تسونامییان زێده‌دكه‌ت، هه‌روه‌كی ئه‌ڤ ساله دا دیاربووی كو گه‌رمترین سال بوو د دیرۆكێ دا.
پشتی ڤێ گۆتنێ چه‌پك و گرییانا دلخۆشیێ ل ناڤ ئاماده‌بوویان ره‌نگڤه‌دا.
