ب گوژمێ سێ ملیار دیناران پڕۆژە ل ئاكرێ دێ هێنە بجهئینان
ئەڤرۆ
ئاكرێ، رەمەزان زەكەریا:
د چارچووڤێ ئەنجامدانا پڕۆژەیێن خزمەتگوزاری ژ لایێ حوكمەتا هەرێما كوردستانێ ڤە ل سنوورێ دەڤەرداریا ئاكرێ رازیبوون ل سەر هەژمارەكا پڕۆژەیان د بیاڤێ رێك و پران دا هاتیە كرن.
شەعبان خەلیل بەرواری، دەڤەردارێ ئاكرێ ب وەكالەت بۆ رۆژناما ئەڤرۆ گۆت: «حوكمەتا هەرێما كورستانێ ئەڤ سالە هەژمارەكا پڕۆژەیان ل دەڤەرێ ئەنجامداینە و بجهئینانا پڕۆژەیان ل دەڤەرێ یا بەردەوامە، نوكە ژی رازیبوون ل سەر بجهئینانا هەژمارەكا پڕۆژویێن خزمەتگوزاری د بیاڤێ رێك و پران دا هاتیە كرن».
دەڤەردارێ ئاكرێ ب وەكالەت گۆتژی: «ئەو پڕۆژەیێن رازیبوون ل سەر هاتیە كرن پێك دهێن ژ رێكا قەسرۆك شەرەفۆنا ئەستریان و كەندەگول، رێكا نۆهاڤا سیتكا قووناغا ئێكێ، ل گەل رێكێن گوندێن شۆش و گوندك و شەرمن، بۆ بجهئینانا ڤان پڕۆژەیان ژی گوژمێ سێ ملیار دیناران هاتینە تەرخانكرن».
