ب گەفێن جەویە دھۆکێ مال ئاڤایی ژی کاسا عیراقێ کر
ئەڤرۆ نیوز، ھەژار مەعروف:
یانا جەویە دەربازی یاریا دووماھیا کاسا عیراقێ بوو ل سەر کیستێ یانا دھۆک پشتی د یاریا خوە یا دوێ شێیای سەرکەفتنێ ل سەر یانا دھۆک توماربکەت ب سێ گولان بێ بەرامبەر دوێ یاریێ دا ئەوا ئەڤرۆ ل یاریگەھا یانا جەویە باژێرێ بەغدا ھاتیەکرن کو دڤێ یاریێ دا بەری یاریێ جەماوەر و کارگێریا یانا جەویە گەف ل یاریکەرێن یانا دھۆک کر بوون ھەردیسان دژاتیا ئەوان کر ژ ھەمی لایەکی ڤە و راگەھاندنا عەرەبی ل باژێرێ بەغدا ژی دژاتیا یانا دھۆک کر بوو کو دیارکر بۆ ناخوازن یانەکا ھەرێمێ دەربازی یاریا دووماھیا کاسا عیراقێ بیت.
دڤێ یاریێ دا ل نیڤا ئێکێ یانا جەویە ب دو گولان پێشکەڤت بوو ئەوژی ب رێیا یاریکەرێن خوە حسێن عەلی و حەمادی ئەحمەد و ل دەستپێکا نیڤا دوێ حسێن عەلی گولا خوە یا دوێ و سیێ بۆ تیما خوە جەویە تومارکر .
ب ڤی ئەنجامی یانا جەویە دەربازی یاریا دووماھیێ بۆ سەرەرای د یاریا ئێکێ دا یانا دھۆک سەرکەفتن ل سەر جەویە تومارکر بوو ب چار گولان بەرامبەر گولەکێ ، لێ یانا جەویە ب جوداھیا گولا ژبەرکو گولەک ل یاریگەھا دھۆک تومارکر بوو دەربازی یاریا دووماھیێ بوو.
