ترامپ:مۆشه‌كێن مه يێن ب رێڤه بۆ سووريێ وبلا رووسيا خوه به‌رهه‌ڤ بكه‌ت
ئه‌ڤرۆنيوز:
سه‌رۆكێ ئه‌مريكى دۆنالد ترامپ ل به‌رامبه‌ر گه‌فێن رووسيا بۆ خستنا مۆشه‌كێن ئه‌مريكا ل سووريێ هاته ده‌نگ وداخواز ژ رووسيا كر يا به‌رهه‌ڤ بيت بۆ ڤى كارى.
به‌رى ده‌مه‌كێ كێم، دۆنالد ترامپ سه‌رۆكێ ئه‌مريكا د به‌رپه‌رێ خوه دا ل سه‌ر تويته‌رى ئاماژه ب گه‌فێن رووسيا بۆ خستنا خوارێ يا مۆشه‌كێن ئه‌مريكى كر وگۆت” رووسيا بريار دايه كو هه‌ر مۆشه‌كه‌كا ئاراسته‌ى سووريێ بهێته كرن، دێ ئێخيت”.
ترامپى داخواز ژ رووسيا كر كو خوه بۆ خستنا خوارێ يا مۆشه‌كێن ئه‌مريكى به‌رهه‌ڤ بكه‌ت وگۆت” بلا رووسيا يا به‌رهه‌ڤ بيت، چونكى مۆشه‌كێن مه يێن ب رێڤه”.
سه‌رۆكێ ئه‌مريكى، مۆشه‌كێن ئه‌مريكى ب مۆشه‌كێن جوان ونوو وزيره‌ك هژمارتن وب ديتنا وى نه‌دبوو رووسيا هه‌ڤپه‌يمانيێ ل گه‌ل كه‌سه‌كى بكه‌ت كو وه‌كو ئاژه‌لى هێرشيا كيمياوى دكه‌ته سه‌ر خه‌لكێ خوه وخوه‌شيێ ژى لێ دبينيت.
ئه‌ڤه دده‌مه‌كى دايه كو هه‌موو ئاماژه ب وى ئاراسته‌ى نه كو ل چه‌ند ده‌مژمێرێن داهاتى دا، هێرشه‌كا ئه‌سمانى يا ئه‌مريكى ل سه‌ر چه‌ند پێگهێن جودا ل سووريێ بهێته ئه‌نجامدان وبۆ ڤێ چه‌ندێ ژى هوشدارى ب كۆمپانيێن فرۆكه‌ڤانى ژى هاتيه دان.
