تره‌مپى نه‌هێلا حسێن حه‌سه‌ن بفریت
ئه‌ڤرۆ نیوز: رۆژهات لوقمان:
ده‌رهێنه‌رێ فلمێ ره‌شه‌با، حسێن حه‌سه‌ن بۆ ئه‌ڤرۆ دیار كر، ژ ئه‌گه‌رێ بڕیاره‌كا نوو یا تره‌مپى ئه‌و نه‌شێت پشكداریێ د فیستیڤاله‌كا نێڤده‌وله‌تی دا بكه‌ت، به‌لكو ب تنێ دێ فلمێ وى هێته نیشادان.
حسێن حه‌سه‌ن، ده‌رهێنه‌رێ فملێ ره‌شه‌با ئاشكرا ژى كر، وه‌سا ژڤانبوو فلمێ وان د فیستیڤالا مه‌یامى یا سینه‌مایى یا نێڤده‌وله‌تى دا ل وه‌لاتێ ئه‌مریكا بهێته نیشادان، لێ ئه‌و نه‌شێت پشكداریێ تێدا بكه‌ت و گۆت: “ئه‌گه‌ر ژى ئه‌وه كو سه‌رۆكێ نوو یێ وى وه‌لاتى بڕیاره‌ك دایه كو نابیت ڤیزه ب چه‌ندین وه‌لاتێن كیشوه‌رێ ئاسیا ژ وان ژى عیراقێ بهێته دان كو بچنه ئه‌مریكا، له‌وڕا ئه‌ز نه‌شێم بچمه وى وه‌لاتى و ل رێوره‌سمێن فیستیڤالێ به‌رهه‌ڤ ببم، به‌لكو ب تنێ فلمێ ره‌شه‌با دێ لێ به‌رهه‌ڤ بیت و هێته نیشادان”.
