تره‌مپ به‌حس ل ديدارا خوه يا ل گه‌ل كيم دكه‌ت
ئه‌ڤرۆ نيوز، فاتما مزوورى:
پشتی کۆمبوونا دیرۆکی یا د ناڤبەرا سەرۆکێ ئامەریکا دۆنالد ترومپ و سەرۆکێ کۆریا یا باکور کیم جۆنگ ئون، دەربارێ پێک ئینانا ئاشتیێ د ناڤبەرا ھەر دو وەلاتان دا، دۆنالد ترەمپ کۆنفەرانسەکێ رۆژنامەڤانی گرێدا.
ترەمپ د کۆنفەرانسێ رۆژنامەڤانی دا گۆت: “کۆریا باکوور یا ئامادە یە چەکێ ئاتۆمی ژناڤ ببەت و یا ئامادەیە دەستپێکەکا نوو دەست پێ بکەن.”
ترەمپ گۆتژی: “مە بەحسا رەوشا مرۆڤی ل کۆریا باکوور کریە و خەلکێ کۆریا چو جار وەسا باوەری ب سەرۆکەکی نەکریە”.
ترەمپ دیار کر ژی سەرۆکێ کۆریا باکوور کیم جۆنگ ئۆن ژ بۆ کۆشکا سپی ھاتیە داخوازکرن و ئەڤ داخوازیە ھاتیە قەبوولکرن.
ترەمپ گۆتژی: “ئەز ژی ئامادە مە د دەمەکێ گونجای دا سەردانا پیۆنگیانگێ بکەم.” دا زانین ژی کو پشتی نەمانا چەکێ کیمیاوی، دێ سزایان ژی ل سەر کۆریا باکوور ھەلگرن. پەیوەندیێن دبلۆماسی دێ ل گەل کۆریا ھێنە دانان، بەلێ ھێشتا دەم نەھاتیە”.
سەرۆکێ ئەمەریکا دۆنالد ترەمپ و سەرۆکێ کۆریا باکوور کیم جۆنگ ئۆن ئەڤرۆ ل ئۆتێلا کاپێلا یا سەنگافۆر ھەڤدۆ دیت و پاشان رێکەفتن ئیمزا کرن.