تره‌مپ بۆ ديدارا كيم جۆنگ يێ گه‌شبينه
ئه‌ڤرۆ نيوز، فاتما مزوورى:
ژ لايه‌كێ دى ڤه دۆنالد تره‌مپ سه‌رۆكی ئه‌مریكا روونشتنێن د ناڤبه‌را واشنتۆن و پیۆنگ یانگ ب ئه‌رينى وه‌سف كرنه.
تره‌مپ ل ده‌مێ ب رێكه‌فتنا وی ژ واشنتۆنێ ژبۆ تێكساس د داخویانیه‌كێ دا ژبۆ رۆژنامه‌‌نڤیسان راگه‌هاند: روونشتنێن ل گه‌ل كوریا باكوور ل نیۆیۆرك ب باشی ب رێڤه دچن و پێشبینی دكهين، شانده‌كێ پیۆنگ یانگێ نامه‌كا كیم جۆنگ ۆن سه‌رۆكێ كوریا باكوور بگه‌هینن.
ل دۆر هه‌بوونا ریكه‌فتنه‌كا د ناڤبه‌را هه‌ردو وه‌لاتان دا، تره‌مپ راگه‌هاند: ئه‌ڤه كاره‌كێ باش و ئه‌رێنى يه و روونشتن ژی ب باشی ب رێڤه دچن.
د ده‌ربارێ ناڤه‌رۆكا وێ نامێ دا ژی گۆت: نزانم چ د ناڤا وێ نامێ دا هه‌یه من چو پێزانین ل سه‌ر نینن، به‌لێ د وێ باوه‌رێ دامه دێ گه‌له‌ك يا باش بيت.
