ترومبێلەکا گه‌رۆك یا زارۆبوونێ گه‌هشته ساخله‌میا دهۆكێ
ئەڤرۆ نیوز، لەزگین جۆقی:
ئه‌ڤرۆ 6/3/2018 رێكخراوا UNFPA ترۆمبیله‌ك پێكهاتی ژ هۆلا زارۆبوونێ پێشكشی رێڤه‌به‌ریا گشتی یا ساخله‌میا دهۆكێ كر.
د. سیروان محەمه‌د ئه‌سوەد، رێڤه‌به‌رێ كارۆبارێن خۆپاراستنا ساخله‌میێ دیاركر كو ترۆمبیله‌كا گه‌رۆك بۆ خزمه‌تێن زارۆكبوونێ هاته دابینكرن ژلایێ رێكخراوا UNFPA بۆ رێڤه‌به‌ریا گشتی یا ساخله‌میا دهۆكێ كو پێكهاتیه ژ هۆلا زارۆكبوونێ و هه‌موو پێدڤیێن زارۆكبوونێ دناڤدانه و گۆت: دێ بۆ ئاواران وپه‌نابه‌ران وخه‌لكێ خوجهێ دهۆكێ هێته بكارئینان.
ئاماژه دا وێ چه‌ندێ ژی كو ئه‌ڤ ترۆمبێله بتنێ بۆ حاله‌تێن ته‌نگاڤ وجهێن پێدڤی یێن دوور ژ نه‌خۆشخانێن ژن وزارۆكبوونێ دێ هێته ب كارئینان و گۆتژی: ئه‌ڤ ترۆمبێلا گه‌رۆك یا زارۆكبوونێ دێ خزمه‌ته‌كا مه‌زن پێشكێشی ئاواران وپه‌نابه‌ران و خه‌لكێ خوجهێ دهۆكێ كه‌ت.
