تشته‌كێ ئه‌مریكا لگه‌ل پێشمه‌رگه‌ی كری ئاشكرا دبیت
ئه‌ڤرۆ نیوز:
په‌یامنێرا بیاڤێن هه‌والگیریێ یا كه‌نالێ فۆكس نیوز یێ ئه‌مریكی ئاشكرا كری كو بده‌هان ترۆمبێلێن سه‌ربازی ژ جۆرێ (MRAP ) كو ژ ئالیێ ئه‌مریكا ڤه بۆ هێزێن پێشمه‌رگه‌یێ كوردستانێ هاتیه دابین كرن، بێی زریێن پاراستنا ره‌خان گه‌هشتینه ده‌ستێ پێشمه‌رگه‌ی و و داعش ژی ب ڤێ یه‌كێ دزانیت و وان ره‌خان دكه‌ته ئارمانج.
وی كه‌نالی ب وێنه ئه‌ڤ یه‌كه سه‌لماندیه لدۆر ئه‌و (MRAP ) ل مه‌ها بۆری گه‌هشتینه هه‌ولێرێ وه‌ك هاریكاریا هه‌ڤپه‌یمانیا دژی داعش بۆ پێشمه‌رگه‌ی.
ئه‌ندامه‌كێ به‌رێ یێن هیزێن تایبه‌ت یا ئه‌مریكی (فیل هادیكۆرت) كو بۆ 10 سالان ل ئیراقێ بوویه دبێژیت ئه‌و ترۆمبێلێن سه‌ربازی د مه‌ترسیدارن و بێی زریێن پاراستنا ره‌خان و هه‌روه‌كی مۆخلك، و ب مه‌غناتیسێ (RPG ئار پی جی) بناڤكر كو بساناهی دشێت تێببریت.
ده‌ستپێكێ وه‌سا دهاته هزركرن كو حكومه‌تا به‌غدایه ڤان ره‌خێن پارێزكار ژ ترۆمبێلێن سه‌ربازی ڤه‌دكه‌ت لێ پاشی دیاربوو كو یێن باشۆرێ ئیراقێ ژی بهه‌مان شێوه‌نه ، ئه‌ڤه‌ژی لدووڤ گۆتنا پسپۆرێن ناڤخۆ بیانی ژ ترسا ئه‌مریكا ڤه‌دگه‌ریت كو ئه‌ڤ ترۆمبێلێن سه‌ربازی بكه‌ڤنه ده‌ستێ ئیرانی یان داعش.
به‌رپرسه‌كێ وه‌زاره‌تا ده‌رڤه‌یا ئه‌مریكا بۆ فۆكس نیوز گۆتیه كو نه‌بوونا زریێن پاراستنێ ل ره‌خێن وان ترۆمبێلێن سه‌ربازی نه تشته‌كێ سه‌ره‌كییه د وان ئامیران دا، و ئه‌و ته‌كنولوجی بۆ چ هه‌ڤپه‌یمانێن ئه‌مریكا یا به‌رده‌ست نینه.
به‌رپرسه‌كێ دی یێ ئه‌مریكی كو د پرۆگرامێ هنارتنا ڤان ئامیران دا كرییه گۆت كو چێدبیت ئه‌مریكا به‌رپرساتیا قانوونی به‌رامبه‌ر پێشمه‌رگه‌ی نه‌بیت لێ وه‌ك به‌رپرساتیه‌كا ئه‌خلاقی دڤێت ڤان ئامیران سه‌خبێر كه‌ت و راهینانان لسه‌ر ب پێشمه‌رگه‌ی بكه‌ت.
