ته‌رمێ سێ پێشمه‌رگێن شه‌رێ دژى داعش هاتنه ديتن
ئه‌ڤرۆ نيوز:
ل قه‌زا حه‌وێجه يا سه‌ر ب پارێزگه‌ها كه‌ركووك ڤه ته‌رمێ چار كه‌سان هاته ديتن كو ب گۆره‌يى ناسنامان ته‌رمێ سێ پێشمه‌رگان د ناڤ دايه و ل شه‌رێ داعش شه‌هيد بووينه.
ژێده‌ره‌كێ حه‌شدا شه‌عبى ل حه‌وێجه راگه‌هاند كو هێزێن وان چار ته‌رم ديتينه و ل گه‌ل وان سێ ناسنامێن هێزێن پێشمه‌رگه‌يى هه‌نه كه‌سه‌ك ژى يێ سڤيله و خه‌لكێ پارێزگه‌ها زيقاره.
ژێده‌رى روون كريه ژى كو ئه‌و چار ته‌رم ل پشت تاخێ پێشه‌سازى يێ قه‌زا حه‌وێجه هاتينه ديتن، نوكه هێزێن حه‌شدا شه‌عبى ل دووڤ كه‌سوكارێن ئه‌وان ناسنامان دا دگه‌رن.
ب گۆره‌يى پێزانينان سێ ژ وان ته‌رمان يێن پێشمه‌رگه‌يى نه و ل شه‌رێ دژى داعش ل 2014ێ شه‌هيد بووينه و ته‌رمێن وان كه‌فتينه ده‌ست داعش ب ناڤێن “زياد حه‌وێز ره‌شيد، هۆشه‌نگ عه‌بدولره‌حمان شاهين، ره‌جه‌ب حه‌سه‌ن شاهين”.
