ته‌رمێ 50 كه‌سان د ئاڤا ئه‌قليمى دا هاتنه ديتن
ئه‌ڤرۆ نيوز:
هێزێن زێره‌ڤانێن كه‌نارێن ده‌ريايى يێن ئيتاليا، ڤه‌ديتنا 50 ته‌رمان د گه‌شتيه‌كێ دا به‌رامبه‌ر كه‌نارێن ليبيا راگه‌هاند.
ئاخفتنكه‌رێ زێره‌ڤانێن كه‌نارێن ئاڤا ئيتاليا بۆ ئاژانسا رۆيته‌رز راگه‌هاند: “ل گه‌ل وێ چه‌ندێ كو ته‌رمێ 50 په‌نابه‌ران د به‌له‌مه‌كێ دا هاتيه ديتن، 430 كه‌سێن دژى هاتينه رزگاركرن”.
كه‌شتيا سۆيد بزايدن ب هه‌ڤكارى ل گه‌ل ئاژانسا فرانتكسى سه‌ر ب ئێكه‌تيا ئورۆپا پرۆسا رزگاركرنێ ئه‌نجام دايه.
د ماوێ بۆرى دا، ب هزاران ئاواران ل ده‌مێ ده‌ربازبوونێ بۆ وه‌لاتێن ئورۆپى، خه‌ندقين و گيانێ خوه ژ ده‌ست دان و گه‌له‌ك ژى ب به‌خت بوون و ژ لايێ تيمێن ڤێراگه‌هشتنێ رزگار بوون.
ب گۆره‌يى پێزانينان، ب تنێ د ئه‌ڤ ساله دا نێزيكى 250 هزار په‌نابه‌ران د رێيا به‌له‌مێ دا، چووينه ئورۆپا، به‌رپرسێن ئورۆپان ژى وه‌سان دبينن ئه‌و ئالۆزيا نوكه دروست بووى، ئالۆزيێن نه‌ئاسايى نه و پێدڤيه چاره‌سه‌ريه‌كا ب له‌ز بۆ بهێته ديتن.
نه‌ته‌وێن ئێكگرتى دبێژيت: “ب تنێ د ئه‌ڤ ساله دا زێده‌ترى دو هزار په‌نابه‌ران ل ده‌مێ بزاڤان بۆ ده‌ربازبوونێ ژ ده‌ريايێ بۆ ئورۆپا گيانێ خوه ژ ده‌ست دايه”.
