ته‌وه‌رێن كومبوونا نێچیرڤان بارزانى وئه‌ردوگان
ئه‌ڤرۆ نیوز:
بڕیاره سوبه سه‌رۆك وه‌زیرێن هه‌رێما كوردستانێ سه‌را ئه‌نقه‌ره بده‌ت و ل گه‌ل سه‌رۆك كومارێ توركیا كۆم ببیت.
سه‌فین دزه‌یى په‌یڤدارێ حوكمه‌تا هه‌رێما كوردستانێ راگه‌هاند بڕیاره سوبه نێچیرڤان بارزانى سه‌رۆك وه‌زیرێن هه‌رێما كوردستانێ سه‌ره‌دانا توركیا بكه‌ت و ل گه‌ل ره‌جه‌ب ته‌یب ئه‌ردوگان سه‌رۆك كۆمارێ توركیا و چه‌ند به‌رپرسێن دى یێن حكومه‌تا توركیا كۆم ببیت.
دزه‌یى دیاركر كو د كومبوونێ دا، دێ پرسێن سیاسى و ئێمناهى و ئابوورى یێن د ناڤبه‌را هه‌ردو ئالیان دا هێنه به‌حسكرن.
ل دووڤ پێزانینان، نێچیرڤان بارزانى د دیدارێن خوه دا ل گه‌ل به‌رپرسێن توركیا، دێ به‌حسێ پرۆسا ئاشتیێ و پرسا ناڤخویا توركیا كه‌ت ب تایبه‌ت پرسا كوردى ل وى وه‌لاتى.
ئاژانسى ئه‌نادۆل یا توركى به‌لاڤكریه كو دێ نێچیرڤان د دیدارێن سه‌رۆك كۆمارێ توركیا و سه‌رۆك وه‌زیرێن توركیا ل گه‌ل نێچیرڤان بارزانى دێ به‌حسێ ئوپه‌راسیونا كۆنترۆلكرنا مووسل و ره‌وشا ته‌له‌عفه‌ر و پێشهاتێن سیاسى و سه‌ربازى یێن عیراقێ هێته كرن و هه‌روه‌سا دێ به‌حسێ په‌یوه‌ندییێن ئابوورى یێن ناڤبه‌را توركیا و هه‌رێما كوردستانێ هێته كرن.
