توركمانێن هه‌رێمێ گه‌فان دكه‌ن
ئەڤرۆ نیوز، قائید میرۆ:
بەرپرسەکا تورکومان تەکەزی ل سەر وێ ئێکێ دکەت، ھەلبژارتنا سەرۆکێ ھەرێما کوردستانێ ژ ئالیێ خەلکێ کوردستانێ ڤە گاڤەک دیموکراتیە و دیارکر، پۆستێ جێگرێ سەرۆکێ ھەرێمێ بەھرا تورکومانانە.
مونا قەھوەچی، جێگرا سکرتێرێ پارتیا چاکسازی و پێشکەفتنا تورکومانان بۆ ئەڤرۆ نیۆز راگەھاند: “پرسا ھەلبژارتنا سەرۆکێ ھەرێما کوردستانێ پرسەک نیشتیمانیە و دخوازین سەرۆکێ ھەرێمێ ژ لایێ خەلکێ کوردستانێ بھێتە ھەلبژارتن نەک ژ لایێ پەرلەمانی، ژ بەر کو پەرلەمان نوونەرێ دەنگدەرانه نەک خەلکێ کوردستانێ، ھەلبژارتنا سەرۆکی د ناڤا خەلکی دا گاڤەک دیموکراتیە”.
قەھوەچی ئەو یەک ژی گۆت: “پۆستێ جێگرێ سەرۆکێ ھەرێما کوردستانێ بەھرا نەتەوا تورکومانە و د دەمێ دانانا کەسەکێ نە تورکومان دێ مە کارڤەدانێن دژوار ھەبن، ژ بەر کو مافێ تورکومانانە و دڤێت بۆ وان ژی بیت”.
